ونلاين وقۋ، قاشىقتان جۇمىس ىستەۋ كەزىندە ينتەرنەت ساپاسىنىڭ سىن كوتەرمەيتىنى بايقالدى.
پارلامەنت ءماجىلىسىنىڭ جالپى وتىرىسىندا «ق ر اكىمشىلىك قۇقىق بۇزۋشىلىق تۋرالى كودەكسىنە بايلانىس ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى، دەپ حابارلايدى Almaty-akshamy.kz
اتالعان قۇجاتتى دايارلاۋعا پارلامەنت دەپۋتاتتارى باستاماشىلىق جاسادى.
زاڭ جوباسىنىڭ نەگىزگى ماقساتى - بايلانىس سالاسىنداعى زاڭنامانى ودان ءارى جەتىلدىرۋ.
«پاندەميا جانە حالىقتىڭ قاشىقتان جۇمىس ىستەۋى رەجيمىنە كوشۋى كەزىندە ۇسىنىلاتىن بايلانىس قىزمەتتەرى ساپاسىنىڭ ماڭىزدىلىعى ارتا ءتۇستى. ول حالىقتان كەلىپ تۇسەتىن شاعىمداردىڭ كوبەيۋىنەن بايقالىپ وتىر. سونىمەن قاتار، جۇرگىزىلگەن تەكسەرۋلەر بويىنشا انىقتالعان زاڭ بۇزۋشىلىقتار وسىعان بايلانىستى پروبلەمانىڭ بار ەكەنىن دالەلدەيدى»، - دەدى ق ر پارلامەنتى ءماجىلىسىنىڭ دەپۋتاتى جاننا تەلپەكبايەۆا.
اكىمشىلىك قۇقىق بۇزۋشىلىق تۋرالى كودەكستىڭ 637-بابىنا سايكەس، ءىرى كاسىپكەرلىك سۋبەكتىسى ءۇشىن ايىپپۇل 100 اەك-تى، ءبىر جىلدىڭ ىشىندە قايتالاپ جاسالعان قۇقىق بۇزۋشىلىق ءۇشىن 200 اەك-تى قۇرايدى. بۇل رەتتە ءىرى كاسىپكەرلىك سۋبەكتىسى زاڭ بۇزۋشىلىق فاكتىسىن مويىنداعان كەزدە، اكىمشىلىك قۇقىق بۇزۋشىلىق تۋرالى كودەكسكە سايكەس، 50 پايىز، ياعني 50 نەمەسە 100 اەك كولەمىندە ايىپپۇل تولەۋگە قۇقىلى.
«كوبىنەسە وپەراتورلارعا قوسىمشا جابدىقتى ورناتۋدان نەمەسە ءوز جەلىسىن وزگە دە تۇردە دامۋعا قاراعاندا، ايىپپۇلدىڭ جارتى كولەمىن تولەگەن ىڭعايلىراق. وسى ورايدا بايلانىسقا قاتىستى بارلىق قولايسىزدىقتار وپەراتور الدىنداعى ءوز مىندەتتەمەلەرىن تۇراقتى نەگىزدە ورىندايتىن، ياعني ءتاريفتى تولىق كولەمدە تولەيتىن ابونەنتتەرگە اسەر ەتەدى. زاڭ جوباسى زاڭنامادا بەلگىلەنگەن تەحنيكالىق پارامەترلەرگە سايكەس كەلمەيتىن بايلانىس پەن ينتەرنەتكە قول جەتكىزۋ قىزمەتتەرىن كورسەتكەنى ءۇشىن، ءىرى كاسىپكەرلىك سۋبەكتىلەرىنە اكىمشىلىك ايىپپۇلداردىڭ مولشەرلەرىن ۇلعايتۋ ارقىلى بايلانىس وپەراتورلارىنىڭ جاۋاركەرشىلىگىن كۇشەيتۋگە مۇمكىندىك بەرەدى»، - دەدى دەپۋتات.