فۋتبولدان ۇلتتىق قۇرامانىڭ باس باپكەرىنىڭ مىندەتىن اتقارۋشى بولىپ اندرەي كارپوۆيچ تاعايىندالدى، دەپ حابارلايدى اlmaty-akshamy.kz
«اندرەي ۆلاديميروۆيچ قازاقستاندىق جانكۇيەرلەرگە جاقسى تانىس. ول ۇلتتىق قۇرامادا ەڭ كوپ ماچ (55) وتكىزگەن ويىنشىلاردىڭ بەستىگىنە كىرەدى. بىرنەشە رەت كاپيتان رەتىندە الاڭعا شىققان بولاتىن»، - دەلىنگەن ق ر فۋتبول فەدەراسياسىنىڭ مالىمەتىندە.
كارپوۆيچ ءوزىنىڭ كلۋبتىق مانسابىندا «ەلىم-اي»، «ەرتىس»، «قايرات»، «لوكوموتيۆ»، «ورداباسى»، «شاحتەر»، «اتىراۋ»، «التاي»، سونداي-اق رەسەيلىك «روستسەلماش» جانە ماسكەۋلىك «دينامو» كوماندالارىندا وينادى.
كارپوۆيچ باپكەرلىك مانسابىن «قايرات» جۇيەسىندە باستاپ، ودان كەيىن 2 جىل «وقجەتپەستى» جاتتىقتىردى. 2021 جىلدىڭ باسىنان بەرى «قىزىل-جاردىڭ» باس باپكەرى بولدى.
ايتا كەتەيىك، جاڭا باس باپكەردىڭ كومانداسى ءۇشىن العاشقى سىناق 24 ناۋرىزدا مولدوۆا قۇراماسىنا قارسى بولادى.