ينتەراكتيۆتى ەكسپوزيسياسىنىڭ تۇساۋكەسەر ءوتتى.
ق ر مەملەكەتتىك ورتالىق مۋزەيىندە ۇلىستىڭ ۇلى كۇنى – ناۋرىز مەيرامىن تويلاۋداعى جاڭا تۇجىرىمداماعا سايەس، «ساندىق الەمدەگى قىلقالام قۇدىرەتى» ينتەراكتيۆتى ەكسپوزيسياسىنىڭ تۇساۋكەسەرى ءوتتى.
ەكسپوزيسيانىڭ اشىلۋ سالتاناتىنا قىلقالام شەبەرلەرى، قازاقستان سۋرەتشىلەر وداعىنىڭ مۇشەسى، «قازاقستاننىڭ ەڭبەك سىڭىرگەن قايراتكەرى»، «پاراسات» وردەنىنىڭ يەگەرى الپىسباي قازىعۇلوۆ، رەسەي ەتنوگرافيالىق مۋزەيىنىڭ كاۆكاز، ورتالىق ازيا جانە قازاقستان ەتنوگرافياسى ءبولىمىنىڭ جەتەكشىسى ل.ف. پوپوۆا، و.تاڭسىقبايەۆ اتىنداعى الماتى ساندىك-قولدانبالى ونەر كوللەدجىنىڭ وقىتۋشىلارى مەن ستۋدەنتتەرى، مۋزەي قوناقتارى قاتىستى.
ەكى عاسىرلىق تاريحى بار ورتالىق مۋزەيدىڭ قورىندا 273 مىڭنان استام مۋزەيلىك قۇندىلىق ساقتالعان. ونىڭ ىشىندە بەينەلەۋ ونەرى كوللەكسياسىندا ون مىڭعا جۋىق كوركەم تۋىندى جيناقتالسا، 4723 ساقتام بىرلىگىن كەسكىندەمە جانە گرافيكالىق جۇمىستار قۇرايدى. وسى كوللەكسيا نەگىزىندە العاش رەت كەلۋشىلەر نازارىنا ۇسىنىلىپ وتىرعان تىڭ جوبا – ينتەراكتيۆتى ەكسپوزيسيادا ورتالىق مۋزەيدىڭ بەينەلەۋ ونەرى كوللەكسياسىندا شىعارمالارى ساقتالعان 52 قازاقستاندىق سۋرەتشىنىڭ ىشىندەگى 10 قىلقالام شەبەرىنىڭ بەينەلەۋ ونەرىنىڭ كەسكىندەمە جانە گرافيكا باعىتىندا ورىندالعان ەتنوگرافيالىق تاقىرىپتاعى، سونداي-اق، پەيزاج، پورترەت جانرىنداعى مايلى بوياۋ مەن اكۆارەل تەحنيكاسىندا ورىندالعان 100 جۇمىسىنىڭ ساندىق فورماتتاعى كورسەتىلىمى تانىستىرىلدى.
ينتەراكتيۆتى ەكسپوزيسيانىڭ ماقساتى – مۋزەي قورىندا ساقتالعان بەينەلەۋ ونەرى تۋىندىلارىن، قازاقستاندىق سۋرەتشىلەردىڭ شىعارماشىلىعىن ناسيحاتتاۋ، ولاردىڭ تۋىندىلارىنا قولجەتىمدىلىكتى قامتاماسىز ەتۋ.