1 قاراشادا باقىلاۋ ماقساتىندا ءۇي ارالاۋ باستالدى، ول 8 قاراشاعا دەيىن جالعاسادى.
ۇلتتىق ستاتيستيكا بيۋروسىنىڭ باسپا ءسوز قىزمەتىنىڭ مالىمەتىنشە، قازاقستاندا جەكە دەرەكتەرىن بەرۋدەن باس تارتقانى ءۇشىن ازاماتتارعا جاۋاپكەرشىلىك قاراستىرىلعان، دەپ حابارلايدى Almaty-akshamy.kz
بيۋرونىڭ مالىمەتىنشە، حالىق ساناعىنا قاتىسۋدان باس تارتقان ازاماتتاردى جاۋاپكەرشىلىككە تارتۋ – الەمدىك تاجىريبە.
قازاقستاندا بۇل نورما قازاقستاننىڭ «اكىمشىلىك قۇقىقبۇزۋشىلىق تۋرالى» كودەكسىنىڭ 497-بابىندا جازىلعان.
بۇل ستاتيستيكا ورگاندارى تاراپىنان قانداي دا ءبىر قىسىم كورسەتىلەتىنىن بىلدىرمەيدى. سەبەبى، رەسپوندەنتتەردى جاۋاپقا تارتۋ ەمەس، جاپپاي ءاقپاراتتىق-تۇسىندىرۋ جۇمىستارى ارقىلى بارلىق ازاماتتاردى ساۋالنامامەن قامتۋ ماقساتى قويىلىپ وتىر. سونىمەن بىرگە سۇحبات الۋشىلاردىڭ الدىندا رەسپوندەنتكە حالىق ساناعىنىڭ ماڭىزدىلىعى تۋرالى ءتۇسىندىرۋ مىندەتى تۇردى، — دەلىنگەن ۆەدومستۆونىڭ باسپا ءسوز قىزمەتى تاراتقان حابارلامادا.