بۇگىن، 8 قاراشادا قازاقستان ستاتيستيكاسىنىڭ قۇرىلعانىنا 101 جىل تولىپ وتىر.
تاۋەلسىز مەملەكەتتەر دوستاستىعى مەملەكەتارالىق ستاتيستيكا كوميتەتىنىڭ ءتوراعاسى، تاۋەلسىز مەملەكەتتەر دوستاستىعىنا قاتىسۋشى مەملەكەتتەردىڭ ستاتيستيكالىق قىزمەت باسشىلارى كەڭەسىنىڭ مۇشەسى سوكولين ۆلاديمير لەونيدوۆيچتىڭ ايتۋىنشا، وسى كەزەڭدە قازاقستاندىق ستاتيستيكا 15-ورىننان 4-ورىنعا كوتەرىلگەن، دەپ حابارلايدى Almaty-akshamy.kz
«بۇگىن، 8 قاراشادا قازاقستان ستاتيستيكاسىنىڭ قۇرىلعانىنا 101 جىل تولىپ وتىر. مەن كسرو ورتالىق ستاتيستيكا باسقارماسىندا 26 جىل بويى قازاقستاندىق ستاتيستيكاعا جاۋاپتى بولعانىمنان بەرى قازاقستانداعى ارىپتەستەرىممەن ۇزاق ۋاقىت جۇمىس ىستەپ كەلەمىن. سول كەزەڭدە قازاقستاندىق ستاتيستيكا 15-ورىننان 4-ورىنعا كوتەرىلدى. ودان كەيىن روسستاتتى 11 جىل باسقاردىم، ءقازىر تاۋەلسىز مەملەكەتتەر دوستاستىعى مەملەكەتارالىق ستاتيستيكالىق كوميتەتىن باسقارامىن. 2021 جىلدىڭ 30 جەلتوقسانىندا تمد ستاتيستيكا كوميتەتى ءوزىنىڭ 30 جىلدىعىن اتاپ وتەدى جانە ايتا كەتۋ كەرەك، الەمدە تولىعىمەن تاۋەلسىز ەكى عانا مەملەكەتارالىق ستاتيستيكالىق ۇيىم بار - بۇل تەك ءبىز جانە ەۋروستات (ەۋروپالىق وداقتىڭ ستاتيستيكالىق باسقارماسى). تمد ستاتيستيكا كوميتەتىنىڭ مىندەتى- ۇلتتىق ستاتيستيكالىق قىزمەتتەرگە ستاتيستيكالىق جۇمىستىڭ ادىستەمەسى مەن دەربەس قۇرۋى بويىنشا كەڭەس بەرۋ بولىپ تابىلادى»، -دەيدى ۆلاديمير سوكولين.
ءقازىر قازاقستان ءوزىنىڭ ساياساتىن، ستراتەگياسىن دەربەس انىقتايدى جانە سوعان قاراماستان، قازاقستاندىق ستاتيستيكانىڭ بۇگىنگى تاڭدا مەملەكەتتىك باسقارۋدىڭ بارلىق باسقا فۋنكسيالارىنا قاراعاندا، ءبىر وتە ءتان جانە ەرەكشە بەلگىسى بار. ماسەلە مىنادا، بارلىق ستاتيستيكالىق قىزمەتتەر بۇگىندە ءبىز حالىقارالىق ستاندارتتار دەپ اتايتىن ادىستەمە بويىنشا جۇمىس ىستەيدى. بارلىق ستاتيستيكالىق جۇمىستار، قانداي دا ءبىر جولمەن، وزدەرىنىڭ حالىقارالىق ستاندارتىنا نەگىزدەلگەن، مۇمكىن، قۇقىق بۇزۋشىلىق ستاتيستيكاسىن قوسپاعاندا. قازاقستاندا جۇرگىزىلگەن حالىق ساناعى بۇگىندە ءبارىمىزدىڭ حالىقارالىق ستاندارتتارعا ساي جۇمىس ىستەپ جاتقانىمىزدىڭ جارقىن مىسالى. ايتپاقشى، حالىق ساناعى 50ء-شى جىلداردان باستاپ الەمنىڭ بارلىق ۇلتتىق ستاتيستيكالىق قىزمەتتەرىندە جۇرگىزىلگەن العاشقى ناقتى ستاتيستيكالىق جۇمىس بولىپ تابىلادى جانە بىرىككەن ۇلتتار ۇيىمىنىڭ ستاتيستيكالىق ءبولىمى بۇكىل جەر شارىنداعى حالىقتىڭ دەموگرافيالىق بولجامىنا جاۋاپ بەرەدى.
ساناق بارلىق ەلدەردە ءوتىپ جاتقانىن بىلەسىز جانە كوۆيدكە قاراماستان، 2020 جىلى اقش، جۇڭگو، ءۇندىستان سياقتى ءىرى ەلدەر ساناق جۇرگىزىپ ۇلگەردى. تمد ەلدەرىندە پاندەميادان كەيىن قازاقستان ءبىرىنشى بولىپ حالىق ساناعىن جۇرگىزدى، كەيىن رەسەي، ال كەلەسى جىلدىڭ باسىندا قىرعىزستان ساناق جۇرگىزەدى دەپ كۇتەمىز. مەن ستاتيستيكا سالاسىندا جۇرگەنىمە 50 جىل بولدى جانە ءوز جۇمىسىمنان حالىق ساناعى ەڭ ماڭىزدى جانە ەڭ كۇردەلى ۇيىمداستىرۋشىلىق مىندەت ەكەنىن جانە ول تەك ستاتيستيكانىڭ عانا مىندەتى ەمەس، ەڭ الدىمەن تۇتاستاي العاندا ەلدىڭ ساياسي مىندەتى ەكەنىن بىلەمىن. ويتكەنى بيلىكتىڭ بارلىق تارماقتارىنىڭ شەشىمىنسىز، بارلىق مينيسترلىكتەر مەن ۆەدومستۆولاردىڭ قاتىسۋىنسىز حالىق ساناعىن جۇرگىزۋ مۇمكىن ەمەس، بۇل وتە كۇردەلى ماسەلە.
ماسەلەن، ەلدەگى پرەزيدەنتتىك سايلاۋعا سايلاۋشىلاردىڭ 60-70 پايىزى كەلسە، بيلىك مۇنى جاقسى ناتيجە دەيدى. ال ءبىز، ستاتيستيكتەر ءۇشىن 70% - بۇل جۇمىستىڭ تولىق ساتسىزدىگى. ءبىز ءۇشىن رەسپوندەنتتەردىڭ 100% قاتىسۋى كەرەك، ءبىز بارلىعىن قامتۋىمىز كەرەك، ساناقتىڭ كۇردەلىلىگى دە وسى. قازاقستاندىق ستاتيستيكا ماماندارى تمد ەلدەرىندە العاشقىلاردىڭ ءبىرى بولىپ رەسپوندەنتتەردىڭ سۇراقتارعا ءوز بەتىمەن جاۋاپ بەرۋىنىڭ ونلاين فورماتىن قولداندى، بۇل ساناقتىڭ بولاشاعى دەپ ويلايمىن. تاجىريبە كورسەتكەندەي جانە بۇل باعىتتا كوۆيد ءوز ۇلەسىن قوستى، ستاتيستيكالىق جۇمىستاردى جۇرگىزۋدىڭ وسىنداي مۇلدەم جاڭا تەحنولوگيالىق ادىستەرىنە كوشۋ قاجەت بولادى.
قازاقستاندا بۇل كەڭەس وداعى ىدىراعاننان كەيىنگى ءۇشىنشى ۇلتتىق حالىق ساناعى دەپ ايتا الامىن، مەن ءوز ارىپتەستەرىم-ستاتيستيكتەرگە الاڭدادىم، ويتكەنى ولاردىڭ الدىندا ەڭ قيىن مىندەت تۇردى، ءبىراق مەنىڭ ارىپتەستەر-ستاتيستيكتەرىمنىڭ جۇمىستارى ءساتتى ورىندالىپ جاتقانىن كورىپ وتىرمىن، ارينە، قيىنشىلىقتار مەن قيىندىقتارسىز ەمەس، ءبىراق ولار ءوز ماقساتىنا جەتتى.
مەن بارلىق قازاقستاندىق ستاتيستيكتەرگە جۇمىستارىڭىزعا ساتتىلىك تىلەيمىن، ويتكەنى مەن سىزدەرمەن جۇمىسىمىزدىڭ قانشالىقتى قيىن ەكەنىن بىلەمىن جانە بۇل جۇمىس ءۇشىن ءبىز ءارقاشان لايىقتى العىس الا بەرمەيمىز، ءبىراق بۇل شىن مانىندە ماڭىزدى، قاجەت، سوندىقتان ساتتىلىك جانە بارلىعىڭىز ستاتيستيكادا ۇزاق جىلدار بويى قالۋىڭىزدى تىلەيمىن!