«سامۇرىق-قازىنا» ۇلتتىق الەۋمەتتىك قورىندا ساتىپ الۋدىڭ جاڭا ءتارتىبى ازىرلەندى. بۇل تۋرالى ق ر پرەمەر-مينيسترى ءاليحان سمايىلوۆ ءمالىم ەتتى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«مەملەكەت باسشىسىنىڭ تاپسىرماسىنا سايكەس، ادامي فاكتوردى ازايتۋ ماقساتىندا مەملەكەتتىك باقىلاۋداعى تاۋەكەلدەردى باسقارۋ جۇيەسى اۆتوماتتاندىرىلادى. سونىڭ ناتيجەسىندە باقىلاۋ جانە قاداعالاۋ ورگاندارى بيزنەستىڭ نەعۇرلىم پروبلەمالى سۋبەكتىلەرىنە شوعىرلانادى. بۇل رەتتە زاڭعا باعىناتىن كاسىپكەرلەرگە اكىمشىلىك قىسىم تومەندەيدى. باسەكەلەستىك اياسىن ەلەۋلى تۇردە كەڭەيتىپ، بارلىق كاسىپكەرلەر ءۇشىن شىن مانىندە تەڭ مۇمكىندىكتەر تۋعىزىپ، مونوپوليالاندىرۋدى توقتاتۋ كەرەك»، - دەدى ءاليحان سمايىلوۆ ەلوردادا ءوتىپ جاتقان «اتامەكەن» ۇلتتىق كاسىپكەرلەر پالاتاسىنىڭ كەزەكتەن تىس ءىح سەزىندە.
ونىڭ ايتۋىنشا، وڭىرلەردە شاعىن جانە ورتا بيزنەسكە باسىمدىق بەرۋ قاجەت. سونداي-اق مەملەكەتتىك قولداۋ شارالارىن ۇسىنۋدىڭ تيىمدىلىگى مەن اشىقتىعىن ارتتىرۋدا جاڭا مىندەت تۇر.
«سامۇرىق-قازىنا» قورىندا ساتىپ الۋدى جۇزەگە اسىرۋدىڭ جاڭا ءتارتىبىنىڭ جوباسى ازىرلەندى. ول ءبىرىنشى كەزەكتە ساتىپ الۋدىڭ اشىقتىعىن ارتتىرۋعا جانە وڭايلاتۋعا، جەرگىلىكتى وندىرۋشىلەر مەن جەتكىزۋشىلەردى قولداۋعا باعىتتالعان. بۇل شارالار 10 مىڭ شاعىن جانە ورتا بيزنەس سۋبەكتىسىنە كومەكتەسۋگە مۇمكىندىك بەرەدى. وتاندىق تاۋار وندىرۋشىلەردەن 400 ملرد تەڭگەگە شامامەن 10 مىڭ تاۋار پوزيسياسى ساتىپ الىنادى. ودان باسقا، زاڭ جۇزىندە اشىقتىقتى ارتتىرۋ جانە جەر قويناۋىن پايدالانۋ قۇقىعىن بەرۋ جانە كەلىسىمشارتتاردىڭ تالاپتارىن وزگەرتۋ راسىمدەرىن وڭايلاتۋ جوسپارلانۋدا»، - دەيدى ول.