ەلىمىزگە ساياحاتشىلاردى قالاي تارتۋعا بولادى؟ تۋريستىك بيزنەس وكىلدەرىنە قانداي قولداۋ شارالارى بار؟ بۇل ساۋالدارعا جاۋاپ ق ر مادەنيەت جانە سپورت مينيسترلىگىنىڭ وكىلدەرى كاسىپكەرلەرمەن وتكەن كەزدەسۋدە ايتىلدى.
اتاپ وتەرلىگى، ۇستىمىزدەگى جىلدىڭ باسىندا تۋريزمگە قولداۋ باعىتىندا ءبىرقاتار شارا ەنگىزىلدى، دەپ حابارلايدى Almaty-akshamy.kz
«شارالار ەل ازاماتتارىن وزىمىزدە دەمالۋعا ىنتالاندىرۋعا، سىرتقى ءتۋريزمدى دامىتۋعا باعىتتالعان. وعان سانيتارلىق-گيگيەنالىق توراپتار، جول بويىنداعى قىزمەت كورسەتۋ نىساندارى، اۆتوكولىك قۇرالدارى جاتادى»، - دەدى ق ر مسم تۋريزم يندۋسترياسى كوميتەتىنىڭ ءتوراعاسى ايدوس ساكەنوۆ.
اتالعان جاڭاشىلدىقتار جىل باسىندا ەنگىزىلگەنىنە قاراماستان، كاسىپكەرلەر ءتيىمدى مۇمكىندىكتەردى پايدالانۋعا اسىعار ەمەس. مىسالى، سانيتارلىق-گيگيەنالىق توراپتاردىڭ قۇرىلىسى جانە ولاردىڭ جۇمىسىن قامتاماسىز ەتۋ، تۋريستەردى تاسىمالداۋ ءۇشىن الىناتىن اۆتوبۋستاردى ساتىپ الۋ شىعىندارىن سۋبسيديالاۋ قاراستىرىلعان. سونىمەن قاتار شاعىن حوستەلدەن باستاپ ءىرى قوناقۇيگە دەيىن تۋريستىك وبەكتىلەردىڭ قۇرىلىسىنا جۇمسالعان قاراجاتتىڭ ءبىر بولىگىن قايتارادى. تاعى ءبىر ايتا كەتەرلىگى، قازاقستاندا بالالاردىڭ ەل ىشىندە ۇشاقپەن تەگىن ۇشۋى بويىنشا «Kids Go Free» باعدارلاماسى جۇزەگە اسىرىلۋدا.
قازاقستانعا سىرتتان ساياحاتشىلاردى كوپتەپ تارتۋ ءۇشىن جانە جالپى وتاندىق تۋريستىك سالانى قولداۋعا مەملەكەت 15 ملرد تەڭگە قارجى بولەدى.