ارنايى كەزدەسۋلەر 60-تان استام قالادا وتەدى.
«سامۇرىق-قازىنا» قورى قازاقستاننىڭ بارلىق وڭىرلەرىندە IPO تاقىرىبىندا تۇرعىندارمەن ءاقپاراتتىق-تۇسىندىرۋ كەزدەسۋلەرىن باستايدى، دەپ حابارلايدى Almaty-akshamy.kz.
حالىقپەن، كاسىپورىن جۇمىسكەرلەرىمەن جانە قوعام قايراتكەرلەرىمەن كەزدەسۋلەر بۇكىل ەل بويىنشا 60-تان استام قالادا وتەدى. ءىس-شارالارعا «سامۇرىق-قازىنا» اق، «قازمۇنايگاز» ۇك» اق، «قازپوشتا» اق، AIX جانە KASE قازاقستاندىق قور بيرجالارىنىڭ جانە بروكەرلىك-ديلەرلىك ۇيىمداردىڭ وكىلدەرى قاتىسادى.
ساراپشىلار قوعامدى قوردىڭ جەكەشەلەندىرۋ باعدارلاماسىنىڭ جانە پورتفەلدىك كومپانيالاردىڭ IPO-نىڭ ىسكە اسىرىلۋ بارىسىمەن، ونىڭ ىشىندە ءبىرىنشى IPO-كانديداتى – «قازمۇنايگاز» ۇك» اق كومپانياسىنا قاتىستى نەگىزگى اقپاراتپەن تانىستىرادى.
«سامۇرىق-قازىنا» اق ماقساتتارىنىڭ ءبىرى - بارلىق قازاقستاندىقتاردىڭ IPO-عا قاتىسۋىن قولجەتىمدى ەتۋ. ۇكىمەتتىك جەكەشەلەندىرۋ جوسپارىن ىسكە اسىرۋ شەڭبەرىندە، قور قازاقستان رەسپۋبليكاسىنىڭ ازاماتتارىنا ءوز اكتيۆتەرىن باسەكەلەس ورتاعا شىعارۋ تەتىكتەرى جانە ەلدىڭ ءىرى كومپانيالارىنىڭ IPO-عا قاتىسۋ مۇمكىندىكتەرى تۋرالى تولىق اۋقىمدى اقپارات تاراتۋدى جالعاستىرادى.
IPO جانە قوردىڭ جەكەشەلەندىرۋ باعدارلاماسى تۋرالى كوبىرەك ءبىلىڭىز.
انىقتاما ءۇشىن:
2025 جىلعا دەيىن «سامۇرىق-قازىنا» اق-نىڭ 8 ءىرى اكتيۆى، ونىڭ ىشىندە IPO ارقىلى باسەكەلەس ورتاعا ءىشىنارا شىعارىلادى. «قازمۇنايگاز» ۇك» اق IPO-سى وسى جىلعا جوسپارلانعان. ەستەرىڭىزگە سالا كەتەيىك، 2012-2020 جىلدار ارالىعىندا قوردىڭ بىرنەشە ءىرى كومپانيالارى قازاقستاندىق قور الاڭدارىندا اكسيالاردىڭ ليستينگىن وتكىزدى. «سامۇرىق-قازىنا» پورتفەلدىك كومپانيالارىنىڭ IPO-نىڭ تابىستىلىعى تولەنگەن ديۆيدەندتەردىڭ كولەمىمەن جانە كومپانيالاردىڭ ليستينگى باستالعاننان باستاپ ولاردىڭ نارىقتىق كاپيتالداندىرۋىنىڭ ۇلعايۋىمەن راستالادى. ماسەلەن، KazTransOil كومپانياسىندا اكسيالار قۇنىنىڭ ءوسىمى 121%-دى، KEGOC - 281%-دى، Kazatomprom – 383%-دى قۇرادى.