«سامۇرىق-قازىنا» قورىنىڭ باسشىسى نۇرلان جاقىپوۆ 2025 جىلى قوردىڭ تازا پايداسى 1،438 ترلن تەڭگەگە دەيىن تومەندەيتىنىن بولجاۋدا (2024 جىلى بۇل كورسەتكىش 1،795 ترلن تەڭگە بولعان)، دەپ حابارلايدى aqshamnews.kz
وسى جىلى قوردىڭ تابىسى 17،171 ترلن تەڭگەدەن 16،814 ترلن تەڭگەگە ازايادى. ال، كەرىسىنشە، مەملەكەتتىك حولدينگتىڭ قارىزدارى ءوسۋدى جالعاستىرادى — 2023 جىلى ولار 7،872 ترلن تەڭگە بولعان، 2024 جىلى 9،039 ترلن تەڭگەگە كوتەرىلگەن، ال 2025 جىلى 10،289 ترلن تەڭگەگە دەيىن ارتۋى مۇمكىن.
جاقىپوۆ سونداي-اق «سامۇرىق-قازىنا» قورىندا IPO وتكىزۋ ءۇشىن دايىندىق جۇمىستارى جالعاسىپ جاتقانىن ايتتى، ونىڭ ىشىندە قتج مەن QazaqGaz كومپانيالارى بار.
قور ءوز قۇرىلىمىن وڭتايلاندىرۋدى جوسپارلاپ وتىر. بۇل رەتتە «سامۇرىق-قازىنا بيزنەس سەرۆيس» ەنشىلەس ۇيىمىن تاراتۋ تۋرالى شەشىم قابىلداندى. بۇل ماسەلە ديرەكتورلار كەڭەسىنىڭ قاراۋىنا ۇسىنىلدى جانە پروسەسس زاڭمەن بەلگىلەنگەن مەرزىمدە اياقتالادى.
بۇعان دەيىن «سامۇرىق-قازىنا» مەن «بايتەرەك» جوبالارىن قارجىلاندىرۋ ءۇشىن قاي كوزدەردەن قارجى تارتىلاتىنى تۋرالى ايتىلعان بولاتىن.