ءار ءساتتىڭ ادەمى كورىنىسىن قالت جىبەرمەي، ماڭگىلىك تاريحقا اينالدىراتىن قىراعى ءفوتوتىلشى – كەز كەلگەن باسىلىمنىڭ باعى. «جاقسى تاڭدالعان تاقىرىپ – جارتى ماقالا» دەگەندەي، كەيدە باسپاسوزدە جارىق كورگەن ءبىر عانا ءساتتى سۋرەت ءجۋرناليستىڭ جازعان دۇنيەسىن جارقىراتىپ جىبەرەتىنى بار. قازاق باسىلىمدارىن قالدىرماي وقيتىن ويلى وقىرمان سامات قۇسايىنوۆتىڭ ەسىم-سويىنا قانىق دەپ بىلەمىز. شيرەك عاسىردان بەرى قولىنان فوتواپپاراتى تۇسپەي كەلە جاتقان ارىپتەسىمىز جاقىندا باۋىرلاس تۇركيا مەملەكەتىندە جەكە فوتوكورمەسىن وتكىزىپ قايتتى.
ءومىرىن فوتوونەرمەن ەگىز ورگەن اعايىدى سامات، ماقسات، ازامات قۇسايىنوۆتار – ەلىءمىزدىڭ بەلدى باسىلىمدارىندا قىزمەت ەتىپ جۇرگەن تانىمال فوتوتىلشىلەر. بۇگىنگى اڭگىمەنىڭ وزەگى فوتوونەر الەمىنە العاش قادام باسقان ءۇيدىڭ ۇلكەنى – سامات قۇسايىنوۆ. ونىڭ وبەكتيۆىنە ىلىنگەن تاقىرىپتاردىڭ اياسى كەڭ. قازاق حالقىنىڭ ادەت-عۇرپى، سالت-ساناسى، دالا ءداستۇرى، ۇلتتىق ويىندارى مەن قوناقجايلىعىن ارقاۋ ەتكەن مىڭداعان سۋرەتتىڭ ونە بويىنان ءوز ءىسىن قۇلاي ءسۇيگەن شەبەردىڭ قولتاڭباسىن كورەسىز. «انا ءتىلى»، «قازاق ادەبيەتى» «ادەبيەت ايدىنى»، «ساقشى»، «پرەزيدەنت جانە حالىق»، «الماتى اقشامى» گازەتتەرىندە، «پاراسات»، «ايگولەك»، «التىن بەسىك» جۋرنالداردارىندا تاباندى قىزمەت ەتكەن «اقپارات سالاسىنىڭ ۇزدىگى» جەمىستى ەڭبەگى ءۇشىن پرەزيدەنتتىڭ العىس حاتىمەن ماراپاتتالدى.
قىراعى فوتوگرافتىڭ جۇمىستارى تەك ەلىمىزدە عانا ەمەس، گەرمانيانىڭ شتۋتگارد، تۇركيانىڭ ىستانبۇل، وڭتۇستىك كورەيانىڭ تەگۋ قالالارىندا كورمەگە قويىلعان. قازاق دالاسىنىڭ باي تابيعاتىن پاش ەتەتىن تۋىندىلارىنىڭ تاعى ءبىر لەگى تاياۋدا تۇركيانىڭ «انادولى وركەنيەتتەرى مۇراجايىندا» سالتانات قۇرعان «ۇلى دالا مادەنيەتى» كورمەسى ارقىلى تۋىسقان حالىقتارعا جول تارتتى.
– مەنىڭ ماقساتىم – قازاق مادەنيەتىن، ۇلتتىق ويىنداردى، ادەت-عۇرىپتى سۋرەت ونەرى ارقىلى دارىپتەۋ. تۇركى مەملەكەتتەرىنىڭ ىنتىماقتاستىعىن تۋ ەتكەن شارا تۇركسوي ۇيىمىنىڭ جانە ءوزىم قىزمەت ەتىپ ءجۇرگەن «AIatau Aqparat» مەدياحولدينگىنىڭ قولداۋىمەن ءوتتى. سۋرەتتەرىمدە ءتۇبى ءبىر تۋىسقان حالىقتارعا ورتاق قۇندىلىقتاردى دا كورسەتۋگە تىرىستىم. فوتوسۋرەت – ءارءبىر ءساتتى ۇستاۋ. ءبىراز جىل بۇرىن استاناداعى ۇلتتىق كىتاپحانادا «سايىن دالانىڭ – سالت ءداستۇرى» دەپ اتالعان فوتوكورمەمدى وتكىزدىم. سول كورمەگە كەلگەن شەتەلدىكتەردىڭ قىزىعۋشىلىعىن كورىپ، تاعى دا شابىت الا ءتۇستىم. جۋرناليست ءاربىر ماقالانى اشۋ ءۇشىن قالاي ىزدەنەتىن بولسا، فوتوگرافيا دا ۇلكەن ىزدەنىستى قاجەت ەتەدى. ءبىر سۋرەتپەن ءبىر ماقالانى اشۋعا بولادى. فوتواپپاراتتىڭ ىشىنەن، وبەكتيۆتىڭ ار جاعىنان ءومىردى كورىپ تۇرۋىڭ كەرەك. مەنىڭ ۇعىمىمدا سۋرەتكە ءتۇسىرۋ – ونەر. سۋرەتكە تۇسىرگەن كەزدە ادامنىڭ پورترەتىنەن ءتىرى دۇنيە شىعارۋىڭ قاجەت. پەيزاج بەن پورترەت جانىما جاقىن جانرلار، – دەيدى س.قۇسايىنوۆ.
ۇنەمى ىزدەنىس ۇستىندە ءجۇرەتىن فوتوگەردىڭ «سارىسۋدىڭ سىرلى سۋرەتى»، «سارىسۋ سايالى مەكەنىم»، «مەرەيلى ولكە – مويىنقۇم» اتتى فوتو جيناقتارى كوپشىلىككە جول تارتتى. ساكەڭنىڭ جەكە پروديۋسەرلىگىمەن جارىق كورگەن «30-دان اسىپ بارامىن»، «ءبىزدى كۇتەر ءبىر باقىت» تولىق مەتراجدى فيلمدەرى دە – ۇلكەن ەڭبەكتىڭ جەمىسى. ەردىڭ جاسى ەلۋدى ەڭسەرگەن ءارىپتەسىمىزگە تولايىم تابىس تىلەيمىز!
الماتى
https://egemen.kz/article/379523-samattynh-syrly-suretteri