الماتى قالاسىنىڭ تۇركسىب اۋدانىندا بالالار جانە سپورت الاڭدارى بار جاڭا قوعامدىق كەڭىستىك اشىلدى، دەپ حابارلايدى aqshamnews.kz
الماتىدا بوس ۋچاسكەدە جاڭا دەمالىس ايماعى پايدا بولدى. بالالار جانە سپورت الاڭدارى بار قوعامدىق كەڭىستىك تۇركسىب اۋدانىنداعى بورالداي كوشەسى، 73 مەكەنجايدا «حالىق قاتىساتىن بيۋدجەت» باعدارلاماسى بويىنشا سالىندى.
جوبا اياسىندا جاڭا بالالار ويىن كەشەندەرى، سپورتتىق سناريادتار، ورىندىقتار مەن ۋرنالار ورناتىلدى، كوشە جارىقتاندىرۋ جەلىلەرى جۇرگىزىلدى.
سونىمەن قاتار، تۇرعىندارعا ىڭعايلى بولۋ ءۇشىن قورشاۋ قۇرىلىمدارى مەن تۇراق ايماعى جابدىقتالدى.
ايتا كەتەيىك، 2025 جىلى قالا اكىمى ەربولات دوسايەۆتىڭ تاپسىرماسى بويىنشا اۋداننىڭ ءار تۇكپىرىندە «حالىق قاتىساتىن بيۋدجەت» باعدار «حقب» باعدارلاماسى بويىنشا 2024 جىلى جوباعا 18،8 ملرد تەڭگە ءبولىندى، بۇل 2023 جىلمەن سالىستىرعاندا 5،8 ملرد تەڭگەگە ارتىق. الماتىلىقتار اۋلالاردى، قوعامدىق كەڭىستىكتەردى اباتتاندىرۋ، سپورت جانە بالالار الاڭدارىن قۇرۋ بويىنشا 364 جوبانى ۇسىنۋعا جانە ىسكە اسىرۋعا مۇمكىندىك الدى.
