46 جاستاعى سامات سماقوۆ ۇلتتىق قۇراما ساپىندا ەڭ كوپ ويىن وتكىزگەن فۋتبولشى.
تانىمال قازاقستاندىق فۋتبولشى سامات سماقوۆ "جەتىسۋ" فۋتبول كلۋبىنىڭ باس باپكەرى قىزمەتىنە تاعايىندالدى، – دەپ حابارلايدى aqshamnews.kz "جەتىسۋ" فۋتبول كلۋبىنىڭ باسپا ءسوز قىزمەتىنە سىلتەمە جاساپ.
"اتى اڭىزعا اينالعان قازاقستاننىڭ ەڭ اتاقتى فۋتبولشىسى: 6 دۇركىن چەمپيونى، 5 دۇركىن كۇمىس جۇلدەگەرى جانە 4 دۇركىن قازاقستاننىڭ ۇزدىك فۋتبولشىسى: 2004، 2007، 2008، 2009 جىلدارى. ۇلتتىق قۇراما ساپىندا ەڭ كوپ ويىن وتكىزگەن فۋتبولشى – 76 ويىن. جەر ءجانناتى – جەتىسۋعا قوش كەلدىڭىز دەي وتىرىپ، سىزگە ساتتىلىك پەن ۇلكەن جەڭىستەر تىلەيمىز!" – دەپ جازدى ولار الەۋمەتتىك جەلىدەگى رەسمي پاراقشاسىندا.