مەملەكەتتىك كىرىستەر كوميتەتى سالىق تالابىن قانشا بلوگەر ورىنداماعانىن ءمالىم ەتتى.
كامەرالىق باقىلاۋ ناتيجەسىندە كوميتەت 854 بلوگەرگە قاتىستى 2022-2023 جىلدارى كەزەڭى ءۇشىن 71،9 ملرد تەڭگەگە تابىسىن تومەندەتۋىنە وراي 1 586 حابارلاما جىبەرگەن، دەپ حابارلايدى aqshamnews.kz.
بيىل 4 ماۋسىمداعى جاعداي بويىنشا 394 بلوگەر قوسىمشا نىسان ۇسىنىپ، 11،8 ملرد كىرىستەرىن دەكلاراسيالاعان. 0،64 ملرد تەڭگە سالىق تولەگەن.
— بۇگىندە كامەرالىق باقىلاۋدىڭ بۇعان دەيىن جىبەرىلگەن حابارلاماسىن ورىنداماعانى نەمەسە تولىق ورىنداماعانى ءۇشىن بلوگەرلەرگە قاتىستى سالىقتىق تەكسەرۋ تاعايىنداۋ ءىس-شارالارى جۇرگىزىلىپ جاتىر. بۇل رەتتە ولاردىڭ تورتەۋىنە قاتىستى 2،2 ملرد تەڭگە سوماسىنداعى كىرىستى تومەندەتۋ فاكتىسى بويىنشا تەكسەرۋ تۋرالى بۇيرىق ەنگىزىلدى، — دەدى كوميتەتتەن اگەنتتىكتىڭ رەسمي ساۋالىنا وراي.