الماتى اكىمدىگى قالادا قالىپتاسقان سپورتپەن اينالىسۋ ترەندىن قولداۋعا، الماتىلىقتاردىڭ سالاۋاتتى ءومىر سالتىنىڭ جاڭا يدەولوگياسىنا جانە مەگاپوليستىڭ مادەني كودىنىڭ ءبىر بولىگىنە اينالدىرۋ ارقىلى سپورتتىق ينفراقۇرىلىمدى جاڭعىرتۋعا جانە كەڭەيتۋگە نيەتتى، دەپ حابارلايدى اlmaty-akshamy.kz.
"الماتى قالاسىن 2025 جىلعا دەيىن دامىتۋ جانە 2030 جىلعا دەيىنگى ورتا مەرزىمدى پەرسپەكتيۆالار" باعدارلاماسىندا اتاپ وتىلگەندەي، قالا بيلىگىنىڭ كۇش-جىگەرى حالىقارالىق تالاپتارعا جاۋاپ بەرەتىن كوشە جانە سپورت ينفراقۇرىلىمىن جاڭعىرتۋعا، بۇقارالىق جانە اۋەسقوي سپورتتى قولداۋعا جانە قالادا حالىقارالىق سپورت جارىستارى مەن سپورتتىق-بۇقارالىق شارالاردى وتكىزۋگە باعىتتالاتىن بولادى.
2025 جىلعا دەيىن بيۋدجەت ەسەبىنەن ەرەكشە قاجەتتىلىكتەرى بار ادامدارعا بەيىمدەلگەن ينفراقۇرىلىمى بار 11 دەنە شىنىقتىرۋ-ساۋىقتىرۋ كەشەنىن (دشسك) جانە جەكە ينۆەستيسيالار ەسەبىنەن كەمىندە 5 دشسك سالۋ جوسپارلانۋدا. بۇدان ءارى 2030 جىلعا دەيىن قالادا بيۋدجەت قاراجاتى ەسەبىنەن قالانىڭ ءارتۇرلى اۋداندارىنىڭ تۇرعىندارىن امبەباپ سپورت ينفراقۇرىلىمىمەن تولىق قامتۋ ءۇشىن جىلىنا كەمىندە 3 دشسك سالىناتىن بولادى.
جابىق سپورت وبەكتىلەرىنىڭ سانىن ۇلعايتۋ 2025 جىلعا دەيىن سپورت الاڭدارىنىڭ تاپشىلىعىن 70 مىڭ شارشى مەترگە قىسقارتادى. وسىلايشا، حالىقتى سپورتتىق-رەكرەاسيالىق ينفراقۇرىلىممەن قامتاماسىز ەتۋ كورسەتكىشى 75%-عا جەتەدى. 2030 جىلعا قاراي تاپشىلىق 100 مىڭ شارشى مەترگە قىسقارادى، ال حالىقتىڭ سپورتتىق ينفراقۇرىلىممەن قامتاماسىز ەتىلۋى 80%-دى قۇرايدى. قالادا بەلسەندى ۋاقىت وتكىزۋ، دەنە شىنىقتىرۋ جانە سپورتپەن شۇعىلدانۋ، دەنساۋلىقتى نىعايتۋ ءۇشىن كەڭ مۇمكىندىكتەر پايدا بولادى. مۇنىڭ بارىنە، ونىڭ ىشىندە مەملەكەتتىك-جەكەشەلىك ارىپتەستىك ۇلەسىن ۇلعايتۋ، سونداي-اق جەكە ينۆەستيسيالاردى تارتۋ ەسەبىنەن قول جەتكىزىلەتىن بولادى.
قالا كوشە جانە ەكسترەمالدى سپورت تۇرلەرىنىڭ سپورتتىق قاۋىمداستىقتارىنىڭ دامۋىنا قولداۋ كورسەتەدى. ول ءۇشىن قالانىڭ ساياباق ايماقتارىندا ارنايى بەرىك جابىنمەن جۇگىرۋگە ارنالعان 30 شاقىرىم جول، قالا بويىنشا 125 شاقىرىم قوسىمشا ۆەلوجول، ءموبيلدى سكالودروم جانە سكەيت-پارك، ستريتبولعا ارنالعان 16 الاڭ، كوشە ۆوركاۋتى جانە ورەپ Air فيتنەس، سونداي-اق BMX-تراسسانىڭ قۇرىلىسى جوسپارلانعان.
الماتىنىڭ سپورتتىق قالا رەتىندەگى ءيميدجىن قالىپتاستىرۋ جانە ىلگەرىلەتۋ جانە ونى حالىقارالىق سپورتتىق كۇنتىزبەلەردە سەنىمدى بەكىتۋ ءۇشىن جىل سايىن حالىقارالىق دەڭگەيدەگى كەمىندە 35 ءىرى سپورتتىق جانە سپورتتىق-بۇقارالىق ءىس-شارالار وتكىزۋ جوسپارلانۋدا. 2030 جىلعا قاراي مۇنداي وقيعالاردىڭ سانى جىلىنا 40-قا دەيىن ارتادى.
سالاۋاتتى ءومىر سالتى جانە سپورتپەن شۇعىلدانۋ قالالىق الەۋمەتتىك مادەنيەتتىڭ ماڭىزدى ەلەمەنتى بولادى دەپ كۇتىلۋدە. ال سپورتتىق-بۇقارالىق ءىس-شارالار مەن حالىقارالىق سپورتتىق ءىس-شارالارعا قاتىسۋ قالا تۇرعىندارىنىڭ بەلسەندى دەمالىسىنا اينالادى جانە "سپورت-تۋريستەردىڭ" قوسىمشا لەگىن تارتادى. حالىقتى (ونىڭ ىشىندە ەرەكشە قاجەتتىلىكتەرى بار ادامداردى) دەنە شىنىقتىرۋمەن جانە سپورتپەن جۇيەلى تۇردە اينالىسۋعا تارتۋ دەڭگەيى 2025 جىلعا قاراي 40%-عا جانە 2030 جىلعا قاراي 50%-عا دەيىن وسەدى. بۇل رەتتە 2025 جىلعا دەيىن بالالار مەن جاستاردىڭ 35%-ىن، ال 2030 جىلعا دەيىن 50%-ىن دەنە شىنىقتىرۋمەن جانە سپورتپەن تۇراقتى شۇعىلدانۋمەن قامتۋ جوسپارلانىپ وتىر.