كەلەسى جىلى الماتىدا مۇگەدەكتەر ءۇشىن قالالىق قولجەتىمدىلىك باعدارلاماسى ەنگىزىلەدى

2030 جىلعا قاراي قالالىق وبەكتىلەردىڭ 75%-ى مۇگەدەكتەرگە بەيىمدەلەتىن بولادى.

باعدارلاما اياسىندا بەيىمدەلمەگەن قوعامدىق وبەكتىلەر مەن قوعامدىق كولىكتى پاسپورتتاۋدى جۇزەگە اسىرۋ، مۇمكىندىگى شەكتەۋلى جاياۋ جۇرگىنشىلەر ءۇشىن جولداردىڭ قولجەتىمدىلىگىن قامتاماسىز ەتە وتىرىپ، ايالداما پۋنكتتەرىن قوسا العاندا، جاياۋ جۇرگىنشىلەر كەڭىستىگىنىڭ قولجەتىمدىلىگىنە تەكسەرۋ جۇرگىزۋ جوسپارلانۋدا، دەپ حابارلايدى Almaty-akshamy.kz

2025 جىلعا دەيىن حقكو، مەكتەپتەر، ەمحانالار، اۋرۋحانالار جانە باسقا دا مەكەمەلەر سياقتى ءجيى باراتىن الەۋمەتتىك وبەكتىلەرگە بەيىمدەۋ جۇرگىزۋ جوسپارلانۋدا. بەيىمدەلۋ كەشەنىنە پاندۋستار، كوتەرگىشتەر، تاكتيلدى پليتالار، كورسەتكىشتەر جانە باسقا دا مۇگەدەكتەرگە كومەك كورسەتۋ قۇرالدارى كىرەدى. جۇمىستىڭ قورىتىندىسى قالالىق الەۋمەتتىك نىسانداردىڭ 30%-ىن بەيىمدەۋ بولادى.

2030 جىلعا دەيىن تەاترلاردا، مۇراجايلاردا، كىتاپحانالاردا جانە باسقا دا مادەنيەت وبەكتىلەرىندە ءىس-شارالاردىڭ، ونىڭ ىشىندە سپەكتاكلدەردىڭ، تەليەۆيزيالىق باعدارلامالاردىڭ جانە ت.ب. جۇگىرتپە جولدارىنىڭ بولۋىن جانە ىمداۋ تىلىنە اۋدارىلۋىن ەسكەرە وتىرىپ، كەيىننەن بەيىمدەۋ ارقىلى پاسپورتتاۋ جۇرگىزىلەدى، وسىلايشا، 2030 جىلعا قاراي قالالىق وبەكتىلەردىڭ 75%-ى بەيىمدەلەتىن بولادى.