26 ساۋىردە الماتى-2 ستانسياسىنان «سالاماتتى قازاقستان» پويىزى جولعا شىعىپ، اعىمداعى جىلدىڭ 6 جەلتوقسانىنا دەيىن قاتىنايتىن بولادى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
دەنساۋلىق پويىزدارى ەڭ شالعايداعى ستانسيالاردىڭ تۇرعىندارىنا جوعارى بىلىكتى مەديسينالىق كومەك الۋعا مۇمكىندىك بەرەتىنى داستۇرگە اينالدى. وتكەن جىلدىڭ قورىتىندىسى بويىنشا، 150-گە جۋىق ستانسيانىڭ 80 649 تۇرعىنى ەمدەۋ-كونسۋلتاسيالىق قىزمەت الا الدى. ونىڭ ىشىندە 21 867 بالا دا بار. بۇل رەتتە 5 097 ادامعا شاعىن وتالار جاسالىپ، 26 587 ادامعا ستوماتولوگيالىق كومەك كورسەتىلدى. سونىمەن قاتار مەديسينالىق پويىز ماماندارى 59 بالاعا سيركۋمسيزيو (سۇندەتتەۋ) جاسادى. مەديسينالىق پويىزداردا دارىگەرلىك قابىلداۋلار سانى 389 388 جەتتى. رەسپۋبليكا بويىنشا مارشرۋتتىڭ جالپى ۇزىندىعى 22 009 كم قۇرادى، - دەلىنگەن «قازاقستان تەمىر جولى» كومپانياسىنىڭ حابارلاماسىندا.
بيىل شالعايداعى ستانسيالار تۇرعىندارى قايتادان بىلىكتى مامانداردان: تەراپيەۆت، ستوماتولوگ، وفتالمولوگ، لور، حيرۋرگ، ۋرولوگ، ماممولوگ، پەدياتر جانە باسقالاردان تەگىن تەكسەرۋدەن جانە ەمدەۋدەن وتۋگە مۇمكىندىك الادى. پويىز زاماناۋي دياگنوستيكالىق جانە ەمدىك جابدىقتارمەن، ۋلترادىبىستىق، فليۋوروگرافيالىق اپپاراتپەن، شاعىن وپەراسيالىق بولمەمەن، زەرتحانامەن، ينتەرنەتكە سىمسىز قول جەتكىزۋگە ارنالعان بايلانىس قۇرالدارىمەن جابدىقتالادى.
مەدپويىزدىڭ قازىرگى قوزعالىس كەستەسى شالعايداعى ستانسيالاردا مەديسينالىق پۋنكتتەردىڭ جوقتىعىن ەسكەرە وتىرىپ جانە ازاماتتار مەن مەملەكەتتىك ورگانداردىڭ وتىنىشتەرى نەگىزىندە جاسالدى.
«مەديسينالىق پويىزدار» جوباسى بىرنەشە رەت الەۋمەتتىك جاۋاپكەرشىلىك كونكۋرستارىنىڭ جەڭىمپازى اتاندى.