2GIS قازاق تىلىنە اۋدارىلعان كارتالار مەن ۇيىمداردىڭ انىقتامالىعىن تەستىلەۋ رەجيمىندە ىسكە قوسادى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
- جۇمىس باسىندا انىقتامالىق قۇرىلىمىن اۋدارۋعا قازاقستان رەسپۋبليكاسى عىلىم جانە جوعارى ءبىلىم مينيسترلىگىنىڭ ماماندارى كومەكتەستى، كەيىن دەرەكتەردى ەگجەي-تەگجەيلى پىسىقتاۋعا ءبىز كومپانيادان تىس باسقا كاسىبي اۋدارماشىلاردى قوستىق، - دەيدى 2GISء-تىڭ انىقتامالىق-كارتوگرافيالىق ءوندىرىس جونىندەگى ديرەكتورى ەلەنا تولكاچيەۆا.
ونىڭ ايتۋىنشا، قازىرگى تاڭدا العاشقى ماڭىزدى قادام جاسالدى.
ەلىمىزدىڭ ءىرى قالالارى مەن اگلومەراسيالارىنىڭ انىقتامالىعى مەن كارتالارى اۋدارىلدى. ەندى ءبىز جاڭارتىلعان سەرۆيستى اشىق تەستىلەۋگە كىرىسەمىز. ءبىز پايدالانۋشىلاردىڭ كەرى بايلانىسىن قۋانا قابىلدايتىن بولامىز. ونى قاتە تۋرالى حابارلار ارقىلى قوسىمشانىڭ وزىندە نەمەسە 2gis.kz سايتىندا قالدىرۋعا بولادى. مۇنداي حابارلار قازاق تىلىندە ىزدەۋ مەن سەرۆيستىڭ باسقا دا فۋنكسيالارىنىڭ جۇمىسىن جەتىلدىرىپ، بولاشاقتا اۋدارمانى تولىقتىرۋعا كومەكتەسەتىن بولادى، - دەدى ول.