سالافيت دەپۋتاتتار نازاردان تىس قالمايدى

سوڭعى كەزدەرى ءدىن تاقىرىبىندا ءارتۇرلى كوزقاراستار قالىپتاستى. ارينە، مەملەكەت ىشىندە ءدىن ماسەلەسىنە قاتىستى ءتۇرلى كوزقاراستىڭ بولۋى مۇمكىن ەمەس.

وسى تۇرعىدان العاندا الداعى كۇندەرى پارلامەنت قابىرعاسىندا دىنگە قاتىستى زاڭدى تالقىلاۋلار جۇرەدى دەپ كۇتىلۋدە،-دەپ حابارلايدى Almaty-akshamy.kz. 

كەلەسى اپتادا قازاقستان بيلىگى ەلدەگى يسلام فۋندامەنتاليزمى مەن ريەۆانشيزمى بويىنشا جابىق كونسۋلتاسيالار وتكىزە باستاماق. ول ماسەلە قاۋىپسىزدىك كەڭەسىنە شىقپاسا دا، پارلامەنت پالاتالارىنىڭ سپيكەرلەرى، كەڭەس مۇشەلەرى، كۇشتىك قۇرىلىم باسشىلارى ءوزارا جاڭا شەشىمگە كەلەتىن بولادى. 

ءماجىلىس پەن سەنات سپيكەرلەرىنە ساقالدىلاردىڭ سوڭعى قىلىقتارى مۇلدە ۇناماي وتىر. وعان قوسا ءماجىلىس دەپۋتاتتارىنىڭ ءوز اراسىندا ءسالافيزمدى استىرتىن قولداۋ ارەكەتتەرى بايقالىپ قالعان. ازىرگە ليۋستراسيا تۋرالى اڭگىمە قوزعالعان جوق. ءبىراق لاتەنتتى سالافيت دەپۋتاتتار قارىنداشقا ءىلىندى.

مەملەكەتتىڭ كەرى رەاكسياسىنا سوڭعى ۋاقىتتا شەتەلدەگى ەميسسارلارىنان تاپسىرما العان سالافيتتەردىڭ جەر-جەرلەردە ۇيىمداسىپ، ەلدەگى ءبىلىم جۇيەسىنە، ۇلتتىق داستۇرگە، اسپاپتارعا "حارام، شيرك" دەپ قارسى كوتەرىلگەنى سەبەپ بولدى. ەگەر ساقالدىلار "ورامال" ميتينگىنە شىعاتىن بولسا، پوليسياعا وتە باتىل قيمىلداۋعا تولىق كارت-بلانش بەرىلگەن. 

بولاشاقتا ءسالافيزمدى قازاقستاننان ءبىرجولاتا كەتىرۋ بويىنشا كەشەندى ستراتەگيا قابىلداۋ يدەيالارى ايتىلا باستادى، دەپ جازدى dalainside تەلەگرامم كانالى.