19-كىركۇيەكتە الماتىدا «ءسابي وقۋلارى» جوباسى اياسىندا العاشقى كىتاپ سورەسى تابىستالادى.
بۇل جوباعا «ءسابي» قورى تاماشا كىتاپ سورەسىن جاساتىپ بەرسە، ال Steppe&World باسپا ءۇيى 800-دەن استام كىتاپتى تەگىن بەرىپ وتىر، دەپ حابارلايدى Almaty-akshamy.kz.
«ءسابي وقۋلارى» جوباسىنىڭ نەگىزگى ماقساتى - جاستار، اسىرەسە الەۋمەتتىك وسال توپتاعى بالالار اراسىندا كىتاپ وقۋ مادەنيەتىن قالىپتاستىرۋ. الداعى ۋاقىتتا بۇل جوبا قازاق تىلىندەگى بالالار ادەبيەتىن حالىققا كەڭىنەن تانىتۋ، ىلگەرىلەتۋ باعىتىندا جۇمىس ىستەيدى.
بالالاردى كىتاپ الەمىمەن تانىستىرىپ، الەمدىك بەستسەللەر كىتاپتاردى قازاقشا وقۋعا قۇلشىنىسىن ارتتىرماق نيەتپەن Steppe&World باسپا ءۇيى حوسپيس مەكەمەلەرى مەن بالالار ۇيلەرىنە ءوز كىتاپتارىن سىيلايدى. Steppe&World باسپا ءۇيى - الەمدەگى ەڭ كەرەمەت شىعارمالاردى قازاقشاعا اۋدارۋ ماقساتىندا جۇمىس ىستەپ جاتقان تانىمال باسپا. باسپا ءۇيى شىعارعان كىتاپتاردىڭ 80%-دان استامى - بالالار ادەبيەتى. بۇگىنگە دەيىن كوپتەگەن كىتاپتى، ونىڭ ىشىندە ايگىلى شىعارما - «ءحارري پوتتەردى» قازاقشاعا اۋداردى.
«ءسابي وقۋلارى» جوباسىنا كەز كەلگەن كاسىپكەر ۇلەس قوسا الادى. ول ءۇشىن تومەندەگى نومىرگە حابارلاسۋعا بولادى. Steppe&World باسپا ءۇيى جوعارىدا اتالعان مەكەمەلەرگە اپاراتىن كىتاپتار پاكەتىن ازىرلەپ بەرەدى.
وتەتىن كۇنى: 13:00، 19-قىركۇيەك
وتەتىن ورنى: لۋگانسكيي كوشەسى، 95ء-ۇي SOS ءسھىldren's Village اlmaty
بايلانىس تەلەفونى: 87002463530