الماتى قالاسىنىڭ اكىمىنىڭ تاپسىرماسىنا وراي سايران كولىنىڭ ءتۇبىن تازارتۋ جۇمىستارى ءجۇرىپ جاتىر. بۇگىنگە دەيىن كول تابانىنان شىققان قوقىس، توپىراقتار سىرتقا شىعارىلۋدا. ءبىراق كەشە كولدى تازالاۋ بارىسىندا تراكتورلار لايعا باتىپ قالدى.-دەپ حابارلايدى اlmaty-akshamy.kz
الماتىنىڭ ەكولوگيا جانە قورشاعان ورتا باسقارماسى قۇلاعان تەحنيكانىڭ كولدە شىنىمەن جۇمىس ىستەگەنىن حابارلادى. مەردىگەر ۇيىم سايران كولىنىڭ ءتۇبىن تازارتۋى كەرەك ەدى.
«اۋا رايىنىڭ كۇرت جىلىنۋىنا بايلانىستى جانە ەرىگەن سۋ كولەمىنىڭ ۇلعايۋىنا بايلانىستى توپىراق جۇمساردى. سايران سۋ قويماسىنىڭ ءتۇبىن مەحانيكالىق تازارتۋ كەزىندە ساقتىق شارالارى ساقتالماعاندىقتان، ءۇش ەكسكاۆاتور نىساندا تۇرىپ قالدى. مەردىگەر ۇيىممەن قاۋىپسىزدىك تەحنيكاسىن ساقتاۋ بويىنشا ءتۇسىندىرۋ جۇمىستارىن جۇرگىزىپ، جەڭىل سالماقتى تەحنيكانى پايدالانۋ بويىنشا ۇسىنىستار بەردى»، – دەپ ءبولىستى باسقارماداعىلار.
باسشىلار لايعا باتقان تەحنيكانى شىعارىپ الۋ ءۇشىن بارلىعىن جاساپ جاتقانىن جانە ونى 13 ناۋرىزعا دەيىن اياقتايمىز دەپ ۇمىتتەنەتىنىن اتاپ ءوتتى.