سايران كولى اۋماعىندا 124 قوقىس جاشىگى ورناتىلدى، - دەپ حابارلايدى Aqshamnews.kz.
الماتى قالاسى قوعامدىق كەڭىستىكتەردى دامىتۋ باسقارماسىنىڭ مالىمەتىنشە، سايران سۋ قويماسىندا دەمالىس ايماعىن كەزەڭ-كەزەڭىمەن كورىكتەندىرۋ جۇمىستارى جۇرگىزىلىپ جاتىر. اۋماعى رەسمي تۇردە اشىلماعان، نىسان ءالى پايدالانۋعا بەرىلمەگەن جانە كوركەيتۋدىڭ ءبىرقاتار ەلەمەنتى، سونىڭ ىشىندە قوقىس جاشىكتەرى مەن شاعىن ساۋلەت پىشىندەر ورناتۋ ساتىسىندا تۇر. بارلىق قايتا جاڭارتۋ كەزەڭدەرى اياقتالعان سوڭ بۇل اۋماق قاجەتتى ينفراقۇرىلىممەن تولىق جابدىقتالادى: جارىقتاندىرۋ، دەمالىس ايماقتارى جانە بەينەباقىلاۋ جۇيەلەرى قاراستىرىلعان.
كۇن سايىن سايران كولىنىڭ اۋماعىندا 40 قىزمەتكەر تازالىق جۇمىستارىن جۇرگىزىپ، قوقىس شىعارۋ جۇمىستارىن اتقارادى. ورتا ەسەپپەن تاۋلىگىنە شامامەن 5 توننا تۇرمىستىق قاتتى قالدىق شىعارىلادى.
كەلۋشىلەردىڭ جايلىلىعى مەن سانيتارلىق ءتارتىپتى ساقتاۋ ماقساتىندا اۋماققا 124 قوقىس جاشىگى ورناتىلعان.
سايران كولىنە كۇن سايىن 3–4 مىڭ ادام كەلەدى.
قوعامدىق ءتارتىپ پەن قاۋىپسىزدىكتى قامتاماسىز ەتۋ ماقساتىندا الماتى قالاسىنىڭ پوليسيا دەپارتامەنتى، توتەنشە جاعدايلار دەپارتامەنتى جانە قۇتقارۋ قىزمەتىنىڭ قىزمەتكەرلەرى كۇن سايىن حالىقپەن ءتۇسىندىرۋ جۇمىستارىن جۇرگىزىپ جاتىر. جۇزۋگە تىيىم سالىنعانى تۋرالى اقپارات بەرەتىن قورشاۋ مەن ەسكەرتۋ بەلگىلەرى ورناتىلعان.
قابىلدانىپ جاتقان شارالارعا قاراماستان، قوعامدىق ءتارتىپتىڭ بۇزىلۋ فاكتىلەرى ءالى دە تىركەلۋدە: ازاماتتار كول اۋماعىنداعى ءتارتىپ ەرەجەلەرىن بۇزىپ، كوگالداندىرۋ ەلەمەنتتەرىنە جانە شاعىن ساۋلەت نىساندارعا زيان كەلتىرۋدە، قوقىس قالدىرىپ كەتىپ جاتىر.
مۇنداي ارەكەتتەر قۇرىلىس جانە كوركەيتۋ جۇمىستارىن ايتارلىقتاي قيىنداتىپ، جوسپارلانعان شارالاردىڭ ىسكە اسۋىن باياۋلاتادى.
وسىعان بايلانىستى، 2025 جىلى 21 ماۋسىمدا ساعات 10:00-دە سايران سۋ قويماسىنىڭ اۋماعىن كوركەيتۋ جانە سانيتارلىق جاعدايىن ساقتاۋ اياسىندا سۋ ايدىنىن جانە وعان ىرگەلەس اۋماقتى تازالاۋ بويىنشا سەنبىلىك وتكىزۋ جوسپارلانعان.
سونداي-اق، باسقارما قالا تۇرعىندارى مەن قوناقتارىن قوعامدىق ورىنداردا مادەنيەت نورمالارىن ساقتاۋعا، كوممۋنالدىق قىزمەتكەرلەردىڭ ەڭبەگىنە جانە قالالىق ورتاعا قۇرمەتپەن قاراۋعا شاقىرادى. تازالىقتى ساقتاۋ، كوركەيتۋ، كوگالداندىرۋ جانە ينفراقۇرىلىم ەلەمەنتتەرىن قورعاۋ – ءار ادامنىڭ سانالى قاتىسۋىن تالاپ ەتەتىن ورتاق جاۋاپكەرشىلىك.
ەكولوگيا مەن قوعامدىق كەڭىستىكتەرگە جاۋاپكەرشىلىكپەن قاراۋ — بۇل الماتى قالاسىندا جايلى، ءقاۋىپسىز جانە تارتىمدى قالالىق ورتانى قالىپتاستىرۋعا ءاربىر ازاماتتىڭ قوسقان ۇلەسى. كوركەيتۋ جانە ءومىر ءسۇرۋ ساپاسىن جاقسارتۋ بويىنشا جۇرگىزىلىپ جاتقان جۇمىستاردىڭ ناتيجەلەرىن ساقتاۋ جانە ارتتىرۋعا ورتاق كۇش-جىگەر قاجەت.