سايران كولىنىڭ بوگەتتەرىنە كوپفاكتورلى زەرتتەۋ جۇرگىزىلدى.
الماتى قالاسىنىڭ اكىمى ەربولات دوسايەۆ اۋەزوۆ اۋدانى تۇرعىندارمەن كەزدەسۋ بارىسىندا سايران كولىن اباتتاندىرۋ مەن تۇيتكىلدى ماسەلەلەردى شەشۋگە جەكە-جەكە توقتالدى، دەپ حابارلايدى Almaty-akshamy.kz.
اكىمنىڭ ايتۋىنشا، اباتتاندىرۋ جۇمىستارى كەزدىندە كولدىڭ ءتۇبىن تازارتۋ جانە جاعالاۋ ايماعىن رەتكە كەلتىرۋ قاراستىرىلعانىن اتاپ ءوتتى.
«بۇگىنگى تاڭدا سايران كولىنىڭ بوگەتتەرىنە كوپفاكتورلى زەرتتەۋ جۇرگىزىلدى. بيىل شىلدە ايىندا جوبالىق-ساراپتامالىق جۇمىسقا قاتىستى مەملەكەتتىك ساراپتامانىڭ قورىتىندىسىن الامىز. جاعالاۋ ايماعىن رەتكە كەلتىرۋ بويىنشا جوبالىق-سمەتالىق قۇجاتتامانى ازىرلەۋ جانە مەملەكەتتىك ساراپتامادان ءوتۋ ماسەلەسى قىركۇيەك ايىندا اياقتالادى دەپ ويلايمىن»، - دەدى ەربولات دوسايەۆ.
مەگاپوليس باسشىسى III توقساندا سايران كولىنىڭ ءتۇبىن تازارتۋ جانە اباتتاندىرۋ ءۇشىن قۇرىلىس-مونتاج جۇمىسىنا قارجى ءبولۋ ماسەلەسى كوتەرىلەدى دەپ اتاپ ءوتتى.