مەترو ستانسالارى ىسكە قوسىلادى.
ماۋسىم ايىندا مەترونىڭ ەكى ستانساسى ىسكە قوسىلادى. بۇل تۋرالى الماتى اكىمى ەربولات دوسايەۆ اۋەزوۆ اۋدانىنىڭ تۇرعىندارىمەن كەزدەسۋ باراسىندا ايتتى، دەپ حابارلايدى Almaty-akshamy.kz.
«2022 جىلدىڭ ماۋسىم ايىندا مەترونىڭ اۋەزوۆ اۋدانىنىدا ورنالاسقان «سارى-ارقا» جانە «مومىش ۇلى» ستانسالارى ىسكە قوسىلادى. وسى ارقىلى كۇندەلىكتى جولاۋشىلار اعىنىڭ 50 مىڭ ادامنان 86 مىڭ ادامعا ۇلعايتۋعا بولادى»،- دەدى قالا اكىمى.
بۇگىنگى تاڭدا تولە بي كوشەسىن تەسۋ بويىنشا جۇمىستار جۇرگىزىلىپ جاتىر، ول ءۇشىن اكىمدىك 270 جەر تەلىمىن بوساتۋى كەرەك، ونىڭ ىشىندە 63 جەر تەلىمىن ساتىپ الۋ باعاسىن كەلىسىپ، 207 ۋچاسكە بويىنشا كەلىسسوزدەر جۇرگىزىپ جاتىر.
بۇل وتكەن جىلى اباي داڭعىلى بويىمەن مومىش ۇلى كوشەسىنەن باتىسقا قاراي اشىلعان التى جولاقتى ۋچاسكەمەن بىرگە مەگاپوليسىمىزدەگى كولىك اعىنىن وڭتايلى قايتا بولۋگە جانە ىرگەلەس ماگيسترالدىق كوشەلەردەگى كولىك جۇكتەمەسىن ازايتۋعا مۇمكىندىك بەرەدى.