جايلى قالالىق ورتانى دامىتۋ شەڭبەرىندە "اقساي-2" شاعىناۋدانىنداعى اباتتاندىرىلعان سكۆەردىڭ ۇلگىسى بويىنشا "اقساي-4" شاعىناۋدانىنداعى سكۆەردى جوندەۋدى جوسپارلانىپ وتىر. بۇل تۋرالى اۋدان تۇرعىندارىمەن كەزدەسۋدە قالا اكىمى ەربولات دوسايەۆ مالىمدەدى، - دەپ حابارلايدى almaty-akshamy.kz
«تاۋگۇل» شاعىناۋدانىندا دەمالىستى ءتيىمدى وتكىزەتىن ورىندار بولماعاندىقتان، شالوۆ بۋلۆارىندا كولىك قوزعالىسىن شەكتەپ، زاماناۋي جاياۋ جۇرگىنشىلەر ايماعىن ۇيىمداستىرۋ ءۇشىن جوبالاۋ-سمەتالىق قۇجاتتاما ازىرلەندى. جۇمىستى شىلدە ايىندا باستالىپ، جىل سوڭىنا دەيىن اياقتاۋ جوسپارلانىپ وتىر.
اقپان ايىنان «سايران» كولىنىڭ مەحانيكالىق تازارتۋ جۇمىستارى ءجۇرىپ جاتىر. جۇمىستار مامىر ايىنىڭ سوڭىنا دەيىن اياقتالۋى ءتيىس. كولدىڭ ءتۇبىن تازالاعاننان كەيىن اۋماعىن رەكونسترۋكسيالاپ، اباتتاندىرۋ جوسپارلانۋدا. قۇرىلىس جۇمىستارى تامىز ايىندا باستالىپ، 2024 جىلدىڭ III توقسانىندا اياقتالادى.