بۇل زاڭناماعا وزگەرىستەر ەنگىزۋدى تالاپ ەتەدى.
سايلاۋدا قازاقستان ازاماتىنىڭ ەلەكتروندىق سيفرلىق قولتاڭباسىن پايدالانا وتىرىپ، ونلاين داۋىس بەرۋ مۇمكىندىگى زەرتتەلىپ جاتىر، دەپ حابارلايدى Almaty-akshamy.kz
بۇل تۋرالى ق ر ورتالىق سايلاۋ كوميسسياسىنىڭ مۇشەسى اناستاسيا ششەگورسوۆا ايتتى.
مۇگەدەكتەردىڭ سايلاۋ قۇقىقتارىن قامتاماسىز ەتۋ جونىندەگى مۇددەلى مەملەكەتتىك ورگاندار مەن قوعامدىق بىرلەستىكتەردىڭ جۇمىس توبىنىڭ مۇشەسى، Qamqor plus مۇگەدەكتەر قوعامدىق بىرلەستىگىنىڭ ءتوراعاسى نياز سۇندەتالييەۆ قازاقستاندىقتاردىڭ جەكەلەگەن ساناتتارىنا ونلاين داۋىس بەرۋ مۇمكىندىگىن بەرۋدى ۇسىندى.
«ازاماتتىڭ ەلەكتروندىق سيفرلىق قولتاڭباسىن پايدالانا وتىرىپ، ونلاين داۋىس بەرۋ مەحانيزمىن ازىرلەۋ جانە ەنگىزۋ ۇسىنىسى زەردەلەنۋدە، ول زاڭنامانى وزگەرتۋدى تالاپ ەتەدى، ونى بولەك پىسىقتاۋ قاجەت»، دەدى اناستاسيا ششەگورسوۆا.
ورتالىق سايلاۋ كوميسسياسىنىڭ مالىمەتىنشە، جۇمىس توبىنىڭ مۇشەلەرىنەن بارلىعى 30 ۇسىنىس تۇسكەن. ولاردىڭ كەيبىرەۋلەرى داۋىس بەرۋگە ارنالعان ءۇي-جايلاردى جابدىقتاۋعا، سونداي-اق سايلاۋدى قامتاماسىز ەتۋگە مۇمكىندىگى شەكتەۋلى ازاماتتاردى، ەرىكتىلەر مەن سۋردواۋدارماشىلاردى تارتۋ جونىندەگى ۇسىنىستار.