بۇل تۋرالى وسك ءتوراعاسى نۇرلان ءابدىروۆتىڭ تمد باقىلاۋشىلارى ميسسياسىنىڭ باسشىسى، تمد باس حاتشىسىنىڭ ءبىرىنشى ورىنباسارى لەونيد انفيموۆپەن كەزدەسۋىندە ايتىلدى، دەپ حابارلايدى اlmaty-akshamy.kz BAQ.KZ-كە سىلتەمە جاساپ.
تمد باقىلاۋشىلارى ميسسياسى ق ر پارلامەنتى ءماجىلىسى دەپۋتاتتارىنىڭ كەزەكتەن تىس سايلاۋىنا دايىندىق پەن ونى وتكىزۋ مونيتورينگىنە كىرىستى. بۇل ءبىزدىڭ قازاقستانداعى پارلامەنتتىك جانە پرەزيدەنتتىك سايلاۋلارداعى 17ء-شى، ال تمد بويىنشا 120-شى ميسسيا ەكەنىن اتاپ وتكىم كەلەدى، – دەدى لەونيد انفيموۆ.
ول ميسسيا قۇرامىنداعى 10 ادام قازىردەن باستاپ جۇمىسقا كىرىسەتىنىن جەتكىزدى.
ولار ءوز كانديداتتارىن پارلامەنت ماجىلىسىنە ۇسىنعان ساياسي پارتيالاردىڭ شتابتارىمەن، اۋماقتىق سايلاۋ كوميسسيالارىمەن كەزدەسەدى. مۇمكىن ميسسيا مۇشەلەرىنىڭ كەيبىرى ورتالىق سايلاۋ كوميسسياسىنا كەلگىسى كەلەدى. سونداي-اق ءماجىلىس دەپۋتاتتىعىنا كانديداتتارمەن دە كەزدەسۋى مۇمكىن. ولاردىڭ جۇمىسى وسىنداي، – دەدى انفيموۆ.
كەزدەسۋدە وسك ءتوراعاسى تمد باقىلاۋشىلارى ميسسياسىنا قازاقستانداعى سايلاۋ مەن رەفەرەندۋمدى حالىقارالىق باقىلاۋعا ۇنەمى قاتىساتىنى ءۇشىن العىس ءبىلدىرىپ، ميسسيانىڭ وسى سالاداعى مول تاجىريبەسىن اتاپ ءوتتى.