ءبىر اي ىشىندە استانا مەن شىمكەنتتە ازىق-تۇلىك باعاسى 2،2 پايىزعا كوتەرىلگەن.
ۇلتتىق ستاتيستيكا بيۋروسى قاڭتار ايىندا باعانىڭ ايتارلىقتاي ءوسۋى قىزىلوردا، سولتۇستىك قازاقستان جانە اقتوبە وبلىستارىندا دا تىركەلدى دەگەن مالىمەت كەلتىردى، دەپ حابارلايدى Almaty-akshamy.kz.
جىلدىق كورسەتكىش بويىنشا ەڭ جوعارى ءوسىم ماڭعىستاۋ وبلىسىندا بولدى، ياعني ازىق-تۇلىك تاۋارلارى 31،5 پايىزعا قىمباتتادى. سونداي-اق، تۇركىستان وبلىسى (+27،4%) مەن شىمكەنت قالاسىندا (+27،2%) قىمباتشىلىق كورسەتكىشى جوعارى بولدى.
جەمىستەر مەن كوكونىس جىلدىق ديناميكادا 21،2%-عا قىمباتتادى. ءسۇت ونىمدەرىنىڭ باعاسى ءبىر ايدا 1،2 پايىزعا، ال ءبىر جىلدا 32،4 پايىزعا كوتەرىلدى.
ەت جانە ەت ونىمدەرى ءبىر ايدا 0،5 پايىزعا، جىل ىشىندە 16،9 پايىزعا قىمباتتادى. اتاپ ايتقاندا، ۇن باعاسى ءبىر جىلدا 42،8 پايىزعا، نان – 19،2 پايىزعا، ماكارون ونىمدەرى – 42،3 پايىزعا، جارما 35،1 پايىزعا ءوستى.
ايتا كەتەيىك، وتكەن جىلى قازاقستاندىقتاردىڭ ناقتى اقشالاي تابىسى 13%-عا ازايعان.