«قازاقستان زاڭگەرلەر وداعى» رەسپۋبليكالىق قوعامدىق بىرلەستىگىنىڭ كەڭسەسىندە ب ا ق ءۇشىن كەزەكتى بريفينگ ءوتتى دەپ، حابارلايدى اlmaty-akshamy.kz BAQ.KZ-كە سىلتەمە جاساپ.
باسقوسۋدا «قازاقستان زاڭگەرلەر وداعى» رقب اتقارۋشى ديرەكتورى ءابدىقارىم اقجانوۆ سالىق ورگاندارىنىڭ قىزمەتىنە توقتالدى.
سالىق ورگاندارى 15 كۇن ىشىندە ءماجىلىس جانە ءماسليحات دەپۋتاتتىعىنا ۇمىتكەرلەردىڭ دەكلاراسياسىنا تەكسەرىس جۇمىسىن جۇرگىزگەن.
بۇگىندە وزدەرى تۋرالى دۇرىس اقپاراتتى بەرمەگەن كانديداتتارعا ورتالىق سايلاۋ كوميسسيالارى سايلاۋعا قاتىسۋعا رۇقسات ەتكەن جوق. وتكەن اپتادا اتالعان زاڭ بۇزۋشىلىق بويىنشا 28 فاكت انىقتالدى. وعان قاتىستى شەشىمدى ورتالىق سايلاۋ كوميسسيالارى قابىلدايدى، - دەدى ءابدىقارىم ارىن ۇلى.
ال ورتالىق باسشىسىنىڭ ورىنباسارى دۋمان جامپەيىسوۆ سايلاۋعا قاتىستى ءبىرقاتار زاڭ بۇزۋشىلىقتى بايقاعانىن ايتتى.
ءبىز اقپاراتتىق كەڭىستىكتە كەيبىر زاڭ بۇزۋشىلىقتى بايقاپ جاتىرمىز. مىسالى، 102-باپتا كورسەتىلگەندەي، تىركەۋ مەرزىمى اياقتالعانعا دەيىن ۇگىت-ناسيحات جۇمىسىن جۇرگىزۋ. كەيبىر دەپۋتاتتىققا ۇمىتكەرلەر مەرزىمىنەن بۇرىن الەۋمەتتىك جەلىگە شىعىپ، سايلاۋدا داۋىس بەرۋگە شاقىردى، - دەدى دۋمان ءابىلتاي ۇلى.