پرەمەر-مينيسترگە بۇعان دەيىن بۇل ۇسىنىستى پارلامەنت دەپۋتاتتارى جولداعان.
الايدا سايلاۋ ۋچاسكەلەرىنىڭ بارىنە ۆيدەوكامەرا ورناتۋدى ۇكىمەت باسشىسى «ەكونوميكالىق تۇرعىدا ءتيىمسىز ءارى ورىنسىز» دەپ ەسەپتەيدى، دەپ حابارلايدى Almaty-akshamy.kz Ulysmedia.kz. cىلتەمە جاساپ.
ايتا كەتسەك، پارلامەنت ءماجىلىسى تاراماي تۇرىپ، "اق جول" پارتياسى اتىنان دەپۋتات قازىبەك يسا ءار سايلاۋ ۋچاسكەسىنە بەينەباقىلاۋ ورناتۋدى ۇسىنعان ەدى. ونىڭ ايتۋىنشا، سوندا عانا سايلاۋ كوميسسيالارى دا، باقىلاۋشىلار دا، كەز-كەلگەن ازامات سايلاۋدىڭ ادىلدىگىنە كوز جەتكىزىپ، زاڭ بۇزۋشىلىقتاردىڭ جولىن كەسە الادى.
«مۇنداي باقىلاۋ داۋىس بەرۋدىڭ اشىقتىعىنىڭ ەڭ جاقسى كەپىلى بولادى. سايلاۋدىڭ قورىتىندىلارىنا قوعام سەنىمىن ارتتىرادى. بارلىق قاجەتتى اۋماقتار مەن راسىمدەۋ ورىندارىن بەينەباقىلاۋمەن قامتۋ (بيۋللەتەندەر بەرۋ ايماعى، داۋىس بەرۋگە ارنالعان جاشىكتەر، داۋىس بەرۋگە ارنالعان كابينالارعا كىرۋ، بايقاۋشىلار ايماعى، بيۋللەتەندەردى ساناۋعا ارنالعان ۇستەل) – زاڭ بۇزۋشىلىقتاردى (بيۋللەتەندەردى زاڭسىز سالۋ، داۋىس بەرۋگە ارنالعان كابينالاردا بوگدە ادامداردىڭ بولۋى، بيۋللەتەندەر بەرۋ جانە داۋىستاردى ساناۋ كەزىندەگى مانيپۋلياسيالار جانە ت. ب.) تىركەۋگە، سونداي-اق، ساياسي باسەكەلەستىك كۇشەيگەن سايىن كۇشەيە بەرەتىن جانجالدى جاعدايلاردىڭ جولىن كەسۋگە مۇمكىندىك بەرەدى. بەينەباقىلاۋ كامەرالارىن بەت الپەتتى اۆتوماتتى تانۋ جۇيەسىمەن جابدىقتاۋ ادامدار ءارتۇرلى سايلاۋ ۋچاسكەلەرىندە بىرنەشە رەت داۋىس بەرەتىن «كارۋسەلدەردى» انىقتاۋعا جول اشادى»، - دەگەن ەدى ول.
بۇل ۇسىنىسقا جاۋاپ بەرگەن ءاليحان سمايىلوۆ «سايلاۋ ۋچاسكەلەرىندە ونلاين-ترانسلياسيا فۋنكسياسىمەن جابدىقتالعان بەينەباقىلاۋ كامەرالارىن ورناتۋ ماسەلەسىن كونستيتۋسيا زاڭىندا بەلگىلەنگەن داۋىس بەرۋ قۇپياسى قاعيداتىن ساقتاۋ تۇرعىسىنان قاراۋ قاجەتتىگىن» اتاپ وتەدى.
«دەربەس دەرەكتەر جانە ولاردى قورعاۋ تۋرالى» زاڭعا سايكەس، دەربەس دەرەكتەر نەگىزىندە سۋبەكتىنىڭ جەكە باسىن انىقتاۋعا بولاتىنىن ەسكەرۋ قاجەت. زاڭعا سايكەس، سۋبەكتىنىڭ نەمەسە ونىڭ زاڭدى وكىلىنىڭ كەلىسىمى بولعان كەزدە عانا دەربەس دەرەكتەردى جالپىعا قولجەتىمدى كوزدەردە تاراتۋعا جول بەرىلەدى»، - دەيدى سمايىلوۆ.
ونىڭ حابارلاۋىنشا، اسىرەسە، اۋىلداردا ينتەرنەت ساپاسى ناشار، كەيبىر جەردە ءتىپتى جەتكىلىكسىز. بۇدان باسقا، سايلاۋ وتكىزۋ پروسەسى تۇراقتى سيپاتتا ەمەس، اۋىق-اۋىق وتكىزىلەدى.
«وسىعان بايلانىستى بەينەجابدىقتاردى ساتىپ الۋدىڭ ەكونوميكالىق تيىمسىزدىگى مەن ورىنسىزدىعىن اتاپ وتەمىز، ويتكەنى بارلىق سايلاۋ ۋچاسكەلەرىن بەينەكامەرالارمەن جاراقتاندىرۋ رەسپۋبليكالىق بيۋدجەتتەن قوماقتى بيۋدجەت قاراجاتىن ءبولۋدى تالاپ ەتەدى. كونستيتۋسياعا سايكەس، ساياسي پارتيالاردىڭ، وزگە دە اككرەديتتەلگەن قوعامدىق بىرلەستىكتەردىڭ، كوممەرسيالىق ەمەس ۇيىمدارىنىڭ بايقاۋشىلارى داۋىس بەرۋ بارىسىنا جانە ونىڭ قورىتىندىلارىن شىعارۋعا كەدەرگى جاساماي، فوتوجازبا، دىبىسجازبا جانە بەينەجازبا جاساۋعا قۇقىلى. جوعارىدا ايتىلعانداردى ەسكەرە وتىرىپ، قولدانىستاعى زاڭناما داۋىس بەرۋ بارىسىن بەينەتىركەۋ مۇمكىندىگىن جەتكىلىكتى دارەجەدە قامتاماسىز ەتەدى دەپ سانايمىز. سونداي-اق داۋىس بەرۋ ۋچاسكەلەرىنەن ونلاين-ترانسلياسيالاردى قولدانعان ءبىرقاتار ەلدەر ونىڭ وسالدىعىنا بايلانىستى (اۋستراليا، ۇلىبريتانيا، كانادا، شۆەيساريا، نيدەرلاندى، اقش) بۇل تاجىريبەدەن باس تارتۋعا ءماجبۇر بولعان حالىقارالىق تاجىريبەنى قاراستىرۋ وزەكتى بولىپ وتىر»، - دەيدى سمايىلوۆ.