بۇكىل سايلاۋشىلار بەلسەندىلىك تانىتتى.
باس حاتشىنىڭ ايتۋىنشا، 17-20 قاراشا ارالىعىندا شىۇ ميسسياسى قازاقستان رەسپۋبليكاسىنىڭ شاقىرۋىمەن كەزەكتەن تىس پرەزيدەنت سايلاۋىنا بايقاۋ ميسسسياسىن اتقارعان. قۇرامىنا 18 بايقاۋشى كىرگەن دەلەگاسياعا 7 مەملەكەتتىڭ وكىلدەرى، شوس-تىڭ حاتشىلىق وكىلدەرى، وڭىرلىك قۇرىلىمدارىنىڭ وكىلدەرى كىرگەن، دەپ حابارلايدى Almaty-akshamy.kz.
«شوس وكىلدەرىنىڭ بايقاۋى استانا قالاسى مەن اقمولا وبلىسىنىڭ اۋماعىندا 22 ۋچاسكەنى قامتىدى. ميسسيا مۇشەلەرى بيۋللەتەندەر دايىنداۋ، داۋىس بەرۋ جاشىكتەرىن پلومبالاۋ پروسەستەرىنە قاتىستى. سونداي-اق، سايلاۋ كوميسسيالارىنىڭ مۇشەلەرىمەن، سايلاۋشىلارمەن، الەۋمەتتىك بايقاۋشىلارمەن كەڭ اۋقىمدا اشىق سۇحبات قۇردىق. وسى پروسەسس كەزىندە سايلاۋ وتكىزۋگە دايىندىق تارتىپپەن، جاقسى ۇيىمداستىرىلعانىن تىركەدىك. ءبارى قالىپتى جاعدايدا، تارتىپكە ساي ءوتتى. ەكىنشىدەن، بۇكىل سايلاۋشىلار ۇلكەن بەلسەندىلىك تانىتتى»، - دەدى چجان مين.
ونىڭ سوزىنە قاراعاندا، داۋىس بەرۋ پروسەدۋراسىن ىسكە اسىرۋعا ارنالعان بۇكىل جاعداي جاسالعان.
«ەگدە جاستاعى ازاماتتار مەن مۇمكىندىگى بار جاندارعا ارنايى جاعداي جاسالدى. سايلاۋ كوميسسيالارىنىڭ وكىلدەرى داۋىس بەرۋشىلەر قويعان سۇراقتارعا وتە تولىققاندى جاۋاپ بەرىپ جاتتى. سونداي-اق، بايقاۋشىلار تاراپىنان سۇراقتارعا تۇسىنىكتەمە بەردى. مەن بۇكىل سايلاۋ ۋچاسكەسىنە كىرگەن كەزدە ءوز قۇجاتىمدى كورسەتۋگە تۋرا كەلگەنىن اتاپ ءوتۋىم كەرەك»، - دەگەن شىۇ باس حاتشىسى سايلاۋ ۋچاسكەلەرىندە بايقاۋ جۇرگىزۋ كەزىندە بىردە-بىر كەدەرگىگە تاپ كەلمەگەنىن ەرەكشە اتادى.
شىۇ باس حاتشىسى قازاقستان تاراپى سايلاۋ پروسەسىنە باقىلاۋ جۇرگىزۋگە قاجەتتى بۇكىل جاعدايدى جاساعانىن اتاپ ءوتتى.