الماتىداعى سايلاۋ ۋچاسكەلەرىنە تاڭەرتەڭنەن باستاپ ءتۇرلى كاسىپتەردىڭ وكىلدەرى داۋىس بەرۋدە، دەپ حابارلايدى اlmaty-akshamy.kz.
دارىگەرلەر ءۇشىن ەرتە تۇرۋ - ادەتتەگى نارسە. دەنساۋلىق ساقتاۋ ۇزدىگى، "التىن دارىگەر" توسبەلگىسىنىڭ يەگەرى، جوعارى ساناتتى دارىگەر-تەراپيەۆت شاحيزات سارجانوۆا ۇنەمى جەكە پىكىرىن ءبىلدىرىپ كەلەدى.
"ەلىمىزدە، اتاپ ايتقاندا، الماتىدا الەۋمەتتىك دامۋ، مەديسينا سالاسىندا ۇلكەن جوبالار كوزدەلگەن. ەلىمىزدە جاڭا زاماناۋي كلينيكالاردىڭ سالۋ، مەديسينا قىزمەتكەرلەرىنىڭ بىلىكتىلىگىن ارتتىرۋ، پاسيەنتتەرگە جوعارى بىلىكتى كومەك بەرۋ بارىمىزگە ماڭىزدى. بۇل جوسپارلاردى جۇزەگە اسىرۋ ءۇشىن رەفورمالاردى قولداۋ، داۋىس بەرۋ جانە ءوز تاڭداۋىڭىزدى جاساۋ قاجەت"، – دەدى بەلگىلى دارىگەر.
العاشقىلاردىڭ ءبىرى بولىپ داۋىس بەرگەن شاحيزات سارجانوۆا ناۋرىز قارساڭىندا داۋىس بەرۋدىڭ سيمۆولدىق ءمانى زور ەكەنىن اتاپ ءوتتى: سايلاۋ، تۇركىلەردىڭ كوكتەمگى مەرەكەسى سياقتى بۇل سايلاۋ دا جاڭارۋ مەن جاڭعىرۋدى بەينەلەيدى.