روزا رىمبايەۆانىڭ ۇلى، ءانشى ءالي وقاپوۆ سايلاۋدا ءوز داۋىسىن بەردى.
الماتىدا تانىمال انشىلەر وتباسى سايلاۋعا قاتىستى. بۇگىن ءانشى ءالي وقاپوۆ داۋىس بەرۋ ءۇشىن ءوزىنىڭ سايلاۋ ۋچاسكەسىنە اناسىمەن جانە ىنىسىمەن بىرگە كەلدى، دەپ حابارلايدى Almaty-akshamy.kz.
«قاراپايىم ازاماتتار ءۇشىن بۇل ەل باسشىلىعىمەن، مەملەكەتىمەن تىعىز بايلانىس، ويتكەنى ءقازىر ءبىز ءۇشىن وتە ماڭىزدى قاراپايىم ماسەلەلەر شەشىلۋدە. كەيدە ۇلكەن ساياسي وقيعالار ءبىزدىڭ ءىسىمىز ەمەس سياقتى. ءبىراق ءماجىلىس پەن ءماسليحات كوپتەگەن ماسەلەلەردى شەشەدى. بۇل - ءبىزدىڭ ءومىرىمىزدى جايلى ءارى ءقاۋىپسىز ەتە الاتىن جاڭا ادامدارمەن العاشقى بايلانىس. مەن ۇمىتكەرلەردىڭ باعدارلاماسىمەن تانىستىم، تاڭداۋ قيىن بولدى. بۇكىل قالانى ۇگىت-ناسيحات جايلادى، كوپتەگەن ۇمىتكەرلەر حالىققا جەتۋگە تىرىستى. وكىنىشكە وراي، مۇنى ءبارى دۇرىس جانە ەتيكالىق تۇردە جاساعان جوق. مەن ءوزىمدى قىزىقتىراتىن تاقىرىپتاردى تاڭدادىم – مىسالى، ەكولوگيا. الماتىلىق رەتىندە مەن بۇل تاقىرىپتى ءبىرىنشى ورىنعا قويدىم. ءبىزدىڭ انامىز ءارقاشان تاربيەلەۋگە ۋاقىت تابادى. سايلاۋعا بارۋ - بۇل ءداستۇر جانە ءومىردىڭ ءبىر بولىگى. ءبىز ءوز ۇلەسىمىزدى قوسىپ، باسقالارعا ۇلگى كورسەتۋىمىز كەرەك ەكەنىن تۇسىنەمىز ازاماتتىق بەلسەندىلىكتى ارتتىرۋ ءۇشىن»، - دەپ اتاپ ءوتتى ءانشى.