سايلاۋ – دەموكراتيالىق قوعامنىڭ كورىنىسى

ق ر پرەزيدەنتتىگىنە كانديدات قاراقات ابدەننىڭ سايلاۋالدى شتابىندا ەل وڭىرلەرىندەگى ۇگىت-ناسيحات جۇمىستارىنىڭ ناتيجەلەرى  تالقىلاندى.

 شتابتا مالىمدەگەندەي، ۇگىت-ناسيحات جۇمىستارى بەلسەندى جۇرگىزىلۋدە. «بۇگىنگى جيىندا سايلاۋالدى جۇمىستارىنىڭ ناتيجەلەرى بويىنشا ەسەپ بەرىلدى. قاراقات ابدەن ەلىمىزدىڭ 8 وبلىسىندا 30-دان استام كەزدەسۋ وتكىزدى. سايلاۋشىلار تاراپىنان كوپتەگەن ساۋالدار مەن ۇسىنىستار كەلىپ تۇسۋدە. وڭىرلىك شتابتار ولاردىڭ بارلىعىن باقىلاۋعا العان. جالپى، سايلاۋ – بۇل دەموكراتيالىق قوعامنىڭ كورىنىسى جانە سايلاۋالدى شتابتارىنا ۇلكەن جاۋاپكەرشىلىك جۇكتەلگەن. سوندىقتان سايلاۋ مەن ۇگىت-ناسيحات جۇرگىزۋ بويىنشا ءبىز وزىق حالىقارالىق تاجىريبەنى سارالاي كەلە، جۇمىستىڭ اۋقىمىن كەڭەيتىپ جاتىرمىز. ءبىز ءۇشىن كانديداتتىڭ مىقتى ساياسي تۇستارىن كورسەتە ءبىلۋ ماڭىزدى. بۇل ءوز الدىنا ۇيلەسىمدى ۇجىمدىق جۇمىستى تالاپ ەتەدى. سوندىقتان سايلاۋالدى شتابتارىمىزدا ءوز ءىسىن جاقسى بىلەتىن ماماندار، پاتريوتتتار مەن مۇددەسى ورتاق تۇلعالار ەڭبەك ەتۋدە. ءبىزدى بىرىكتىرەتىن ورتاق ماقسات – ەل يگىلىگى ءۇشىن جۇمىس ىستەۋ»، - دەپ جەتكىزدى كانديداتتىڭ باسپا ءسوز حاتشىسى ەلامان تولەپبەرگەن.

ەسكە سالساق، ەلىمىزدە 20 قاراشا كۇنى كەزەكتەن تىس پرەزيدەنت سايلاۋى وتەدى. الداعى ۋاقىتتا ق.ابدەن تۇركىستان جانە جامبىل وبلىستارىنىڭ سايلاۋشىلارىمەن كەزدەسۋ وتكىزەدى.