كوروناۆيرۋس قىتايدىڭ 3 ءىرى مەگاپوليسىندە - گۋانچجوۋ، چۋنسين جانە بەيجىڭدە تارالدى.
قحر دەنساۋلىق ساقتاۋ جانە گيگيەنا ماسەلەلەرى جونىندەگى مەملەكەتتىك كوميتەتىنىڭ دەرەكتەرىنە سايكەس، وتكەن تاۋلىكتە ماتەريكتىك قىتايدا كوروناۆيرۋستى 9 مىڭنان استام ادام جۇقتىرعان، ونىڭ ىشىندە گۋانچجوۋدا - 2،5 مىڭنان استام، چۋنسيندە – 750–دەن استام، بەيجىڭدە - ولاردىڭ سانى 100-گە جەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۆەدومستۆونىڭ مالىمەتىنشە، ونىڭ ىشىندە 85%-ىندا اۋرۋ بەلگىلەرى جوق (سيمپتومسىز). سوڭعى كۇندەرى بەيجىڭدە كوروناۆيرۋس ينفەكسياسى ءوسىپ جاتىر. جۇڭگو استاناسىندا ينفەكسيا ءقاۋپى جوعارى (جوعارى نەمەسە ورتاشا) 200-گە جۋىق تۇرعىن ايماعى بار. سوڭعى اپتادا كوروناۆيرۋس قىتايدىڭ بارلىق ايماعىندا تارالىپ جاتىر.
وسى جىلدىڭ تامىز ايىنان باستاپ قحر شىڭجاڭ-ۇيعىر اۆتونوميالىق اۋدانىندا كۇردەلى ەپيدەميولوگيالىق جاعداي بايقالۋدا. شىڭجاڭدا وتكەن تاۋلىكتە COVID-19 ينفەكسياسىنىڭ 700-گە جۋىق جەرگىلىكتى جاعدايى انىقتالدى، ونىڭ باسىم كوپشىلىگى ءۇرىمشى قالاسىنا تيەسىلى.