سايلاۋالدى كومپانيا مەن سايلاۋدىڭ ءوزى تىنىش وتكەنى - جاقسى ۇيىمداستىرىلعاننىڭ بەلگىسى.
ورتالىق سايلاۋ كوميسسياسىنىڭ جاريالاعان كەزەكتەن تىس پرەزيدەنت سايلاۋىنىڭ رەسمي قورىتىندىسىنا قاتىستى ساراپشىلار پىكىر ءبىلدىردى، دەپ حابارلايدى Almaty-akshamy.kz.
«سايلاۋالدى كومپانيا مەن سايلاۋدىڭ ءوزى تىنىش وتكەنى - ەڭ الدىمەن، جاقسى ۇيىمداستىرىلعاننىڭ بەلگىسى. زاڭ بويىنشا ءبارى ءوتتى. بايقاۋشىلار كىشىگىرىم عانا قاتەلىكتەردى بايقاپ جاتىر. جالپى العاندا، ءبارى وتە تۇراقتى، بەيبىت جانە تىنىش تۇردە ءوتتى جانە بۇل ۇلكەن جەتىستىك»، - دەدى قازاقستان ستراتەگيالىق زەرتتەۋلەر ينستيتۋتىنىڭ عىلىمي قىزمەتكەرى قۋانىش سايلاۋ.
«سايلاۋ دەموكراتيالىق پرينسيپتەرگە ساي ءوتتى. حالىقارالىق نورمالارعا سايكەس ءوتتى دەپ ايتۋعا بولادى. بۇل باعانى كەشە اقش پەن رەسەي بايقاۋشىلارى دا ايتتى»، - دەدى قازاقستان ستراتەگيالىق زەرتتەۋلەر ينستيتۋتىنىڭ ساياسي زەرتتەۋلەر ءبولىمىنىڭ مەڭگەرۋشىسى ەرمەك توقتاروۆ.