تمد ميسسياسىنىڭ 170-تەن استام بايقاۋشىسى قازاقستانداعى 1000-نان استام سايلاۋ ۋچاسكەلەرىندە بولدى.
بۇل تۋرالى الماتىدا رەسەيلىك باقىلاۋشىلار ايتتى، ولار ەلىمىزدە وتكەن پرەزيدەنت سايلاۋى زاڭدىلىق قوستى دەپ ەسەپتەيدى، - دەپ حابارلايدى almaty-akshamy.kz
پارلامەنتتىك اسسامبلەيانىڭ جاستار ساياساتى، سپورت جانە تۋريزم جونىندەگى كوميسسياسىنىڭ ءتوراعاسى، رەسەي فەدەرالدىق جينالىسى مەملەكەتتىك دۋماسىنىڭ ەۋرازيالىق ينتەگراسيا جانە وتانداستارمەن قارىم-قاتىناس، تمد ىستەرى جونىندەگى كوميتەتى ءتوراعاسىنىڭ ورىنباسارى تۋروۆ ارتەم قازاقستان رەسپۋبليكاسى پرەزيدەنتى سايلاۋى اشىق، دەموكراتيالىق تۇردە وتكەنى كوڭىلىنەن شىققانىن ايتتى.
كەشە حالىقارالىق بايقاۋشىلار الماتىداعى 17 سايلاۋ ۋچاسكەسىندە بولدى، ولار سونداي-اق ۋچاسكەلىك كوميسسيالاردىڭ جۇيەلى جۇمىسىن، اشىقتىقتى، حاباردارلىقتى اتاپ ءوتتى. ولاردىڭ پىكىرىنشە، داۋىس بەرۋشىلەر مەن جەرگىلىكتى باقىلاۋشىلاردىڭ سانى كوپ بولعان.
«سايلانعان پرەزيدەنتتى سايلاۋدىڭ ءساتتى اياقتالۋىمەن قۇتتىقتايمىن. سايلاۋ اشىق، زاڭدى، ۇلتتىق زاڭناما نەگىزىندە وتكەنىن ايتا كەتكەن ءجون. الماتى قالاسى اۋماعىندا جۇمىس ىستەۋ مۇمكىندىگى ءۇشىن راحمەت، ءبىز بارلىق دەڭگەيدەگى كوميسسيالاردان بارىنشا قولداۋ الدىق. ءبىز بارعان ۋچاسكەلەردىڭ ەشقايسىسىنان بىردە-بىر شاعىم تۇسكەن جوق. ولاردىڭ باسقا ارىپتەستەرىمىزگە جۇگىنگەنىن بىلەمىن، ءبىراق ولار قاراپايىم زاتتاردى قوزعادى»، - دەدى ا.تۋروۆ.
ەۋرازيالىق ىنتىماقتاستىق جانە ينتەگراسيا قورىنىڭ باس ديرەكتورى نيكولاي جۋراۆليەۆ زاڭدىق قۇرامداس بولىككە عانا ەمەس، سايلاۋ ۋچاسكەلەرىندە قالىپتاسقان اتموسفەراعا دا نازار اۋداردى.
«ەشقانداي شيەلەنىس بولعان جوق، ادامدار جايباراقات، جاقسى كوڭىل-كۇيمەن كەلدى، سوندىقتان كەلگەن ادامدارعا قىسىم بولعان جوق دەگەن قورىتىندىعا كەلدىك. ال سايلاۋ جەڭىمپازىنىڭ بۇل سەنىمدى ناتيجەسى تۇراقتىلىقتى تاڭداعان قوعامدا قانداي دا ءبىر جىككە ءبولىنۋ تۋرالى ايتۋدىڭ قاجەتى جوق ەكەنىن ايعاقتايدى»، - دەدى ن.جۋراۆليەۆ.