5 قاراشا كۇنى العاش رەت اۋداندار مەن وبلىستىق ماڭىزى بار قالالاردىڭ اكىمدەرىن سايلاۋ ءوتتى.
بۇگىن ورتالىق سايلاۋ كوميسسياسى سايلاۋ قورىتىندىلارى تۋرالى مالىمدەمە جاسادى، دەپ حابارلايدى Almaty-akshamy.kz.
«وكىلەتتىكتەرگە سايكەس وبلىستاردىڭ ءماسليحاتتارى وسى سايلاۋدى وتكىزۋ ءۇشىن 42 اۋدان مەن 3 وبلىستىق ماڭىزى بار قالانىڭ تىزبەسىن بەكىتتى. 1553 سايلاۋ كوميسسيالارى جۇمىلدىرىلدى. سايلاۋ بالاما نەگىزدە ءوتتى. سايلاۋ بيۋللەتەندەرىنە 125 كانديدات ەنگىزىلدى. سايلاۋشىلاردىڭ كەلۋى - 62،79 پايىزدى قۇرادى. سايلانعان اكىمدەردىڭ ورتاشا جاسى 46،7 جاستى قۇرايدى. سايلاۋ ناۋقانى رەسپۋبليكانىڭ سايلاۋ زاڭناماسى نورمالارىنىڭ تالاپتارىنا سايكەس ءوتتى. سايلاۋ پروسەسىن باقىلاۋدى 8500-گە جۋىق كانديداتتاردىڭ سەنىم بىلدىرىلگەن ادامدارى، بايقاۋشىلارى مەن ب ا ق وكىلدەرى جۇزەگە اسىردى»،- دەپ جازىلعان حابارلامادا.
سايلاۋدىڭ قورىتىندىسى 17 ءوڭىردىڭ ينتەرنەت-رەسۋرسىندا تولىعىراق جاريالانعان.