الماتىعا ەسىرتكىنىڭ ءىرى پارتياسىن اكەلۋ ارەكەتىن پد ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى جقاج، كينولوگيا قىزمەتى جانە “بۋران-278” پاترۋلدىك ەكيپاجىنداعى ارىپتەستەرىنىڭ كومەگىمەن جولىن كەستى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«رايىمبەك داڭعىلى مەن ءاشىموۆ كوشەسىنىڭ قيىلىسىندا Toyota Camry كولىك توقتاتىلدى. كولىك ىشىندە جامبىل وبلىسى، شۋ اۋدانىنىڭ ەكى تۇرعىنى بولدى. جوعارىدا اتالعان اۆتوكولىكتى ءتىنتۋ بارىسىندا ءارقايسىسىنىڭ سالماعى 24 كەلى بولاتىن 7 قوراپ تابىلىپ، تاركىلەندى. ولاردىڭ ىشىندە ەرەكشە ءيىستى جاسىل ءتۇستى ۇنتاق زاتى بار پوليەتيلەن بايلامدارى بولدى. سوت-حيميالىق ساراپتاماسىنىڭ قورىتىندىسىنا سايكەس، تاركىلەنگەن زاتتار جالپى سالماعى 151 كەلى 328 گرامم بولاتىن گاشيش ەسىرتكى ەكەنى راستالدى. ايىپتالۋشىلار قاماۋعا الىندى. ولار ءبىزدىڭ جەدەل بولىمشەلەردىڭ قىزمەتكەرلەرى بىرنەشە اي بويى ازىرلەگەن ەسىرتكى تىزبەگىنىڭ بۋىنى سانالادى. ەستەرىڭىزگە سالا كەتەيىك، شىلدە ايىندا 1982 جىلى تۋعان ت.ەسىمدى ازامات ۇستالعان بولاتىن، ودان سالماعى 54 كەلىدەن استام ماريحۋانا تابىلىپ، تاركىلەندى، ال قازان ايىندا 1993 جىلعى گ.ەسىمدى ازامات ۇستالدى. ونى ءتىنتۋ كەزىندە 6 كەلى گاشيش سالىنعان بايلام تابىلدى»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.