عالامتورعا سىمسىز قول جەتكىزۋ ءۇشىن FWA جەلىسى سالىنىپ جاتىر
الماتى اكىمى باقىتجان ساعىنتايەۆ instagram-داعى پاراقشاسىنا قالانىڭ شەتكى اۋداندارىن ينتەرنەتپەن قامتاماسىز ەتۋ جۇمىستارى قالاي ءجۇرىپ جاتقانىن جازدى، دەپ حابارلايدى Almaty-akshamy.kz.
«وزەكتى ماسەلەنىڭ ءبىرى – عالامتور قولجەتىمدىلىگى. «Meganet» كومپانياسىمەن توبج ارقىلى عالامتورعا 1586 ابونەنت قوسىلدى. كەزەكتە – نۇرشاشقان، تاستىبۇلاق، تاۋسامالى، اقجار، قالقامان-2، قايرات، شۇعىلا، دوستىق، اقبۇلاق، قاراعايلى شاعىناۋداندارىنىڭ 304 ابونەنتى تۇر»،-دەپ جازدى اكىم.
سونداي-اق ول «قازاقتەلەكوم» جەكە اۋدانداردا عالامتورعا سىمسىز قول جەتكىزۋ ءۇشىن FWA جەلىسىنىڭ قۇرىلىسىن جۇرگىزىپ جاتقانىن جەتكىزدى.
«جەلى الاتاۋ اۋدانىنىڭ العاباس شاعىناۋدانىندا ىسكە قوسىلدى. كەزەكتە الاتاۋ اۋدانىنىڭ وجەت، بورالداي، تەرەكتى، ناۋرىزبايدىڭ تاۋسامالى، تۇركسىبتىڭ المەرەك پەن نۇرشاشقان شاعىناۋداندارى تۇر. وسى جىلدىڭ سوڭىنا دەيىن 2 مىڭعا جۋىق ابونەنتتى قامتۋ جوسپاردا بار»،-دەدى ب. ساعىنتايەۆ.
View this post on Instagram