ساعىنتايەۆ الماتىلىقتاردى كوگالداندىرۋ بايقاۋىنا بەلسەندى قاتىسۋعا شاقىردى

قالا كۇنى قارساڭىندا تۇرعىنداردى ىنتالاندىرۋ ماقساتىندا «اۋلا اۋماعىن ەڭ ۇزدىك كوگالداندىرۋ - 2021» بايقاۋى جاريالاندى.

مەگاپوليس اكىمى باقىتجان ساعىنتايەۆ «الماتى» تا-سىندا Akimat Live باعدارلاماسىنىڭ تىكەلەي ەفيرىندە بايقاۋدىڭ العاشقى بەس كۇنىندە 100 ءوتىنىم تۇسكەنىن ايتتى، دەپ حابارلايدى Almaty-akshamy.kz

باقىتجان ساعىنتايەۆ ءۇي ماڭىنداعى اۋلالاردى اباتتاندىرۋ بويىنشا جۇمىسقا قالالىقتاردىڭ قاتىسۋى قاتىسۋىنىڭ ماڭىزدى ەكەنىن اتاپ ءوتتى. قالا كۇنى قارساڭىندا تۇرعىنداردى ىنتالاندىرۋ ماقساتىندا «اۋلا اۋماعىن ەڭ ۇزدىك كوگالداندىرۋ - 2021» بايقاۋى جاريالاندى. بۇل تۇرعىن الاپتار اراسىندا جاسىل ايماقتار قۇرۋعا، اۋلا مەن لاندشافت ديزاينىندا وزىق تاجىريبەنى ناسيحاتتاۋعا، يننوۆاسيالىق تاسىلدەر مەن يدەيالاردى قولدانا وتىرىپ، باۋ-باقشالاردى دامىتۋعا ىقپال ەتەدى.

بايقاۋدىڭ ماقساتى – بارىنشا اباتتاندىرىلعان جانە كوگالداندىرىلعان اۋلا مەن تۇرعىن ۇيلەرگە ىرگەلەس اۋماقتى انىقتاۋ، تۇرعىنداردىڭ اۋلادا جانە ىرگەلەس اۋماقتاردى اباتتاندىرۋ مەن كوگالداندىرۋ تاجىريبەسىن ناسيحاتتاۋ، تۇرعىنداردى اباتتاندىرۋ مەن كوگالداندىرۋعا كەڭىنەن تارتۋ.

وتىنىمدەر 3 قىركۇيەكتەن باستاپ قابىلدانادى، قاتىسۋشىلاردى ماراپاتتاۋ 19 قىركۇيەككە - قالا كۇنىنە جوسپارلانعان. گران-پري – 5 ميلليوندىق سەرتيفيكات، وعان اۋلانى اباتتاندىرۋعا ارنالعان قۇرال-جابدىقتاردى، وسىمدىكتەردى ساتىپ الۋعا بولادى. 8 اۋداننىڭ ءارقايسىسى بويىنشا ءبىرىنشى ورىنعا – 1 ملن تەڭگە، ەكىنشىسىنە – 500 مىڭ تەڭگە، ءۇشىنشى ورىنعا باۋ-باقشاعا قاجەت زاتتار بەرىلەدى. 7 قىركۇيەكتەگى جاعداي بويىنشا، بايقاۋعا قاتىسۋعا 100-دەن استام ءوتىنىم ءتۇستى.

اۋداندار اراسىنداعى العاشقى ءۇش ورىن سايت بويىنشا داۋىس بەرۋ ارقىلى انىقتالادى. قالانىڭ ءار اۋدانىنان ەڭ كوپ ونلاين داۋىس جيناعان قاتىسۋشىلار ءبىرىنشى ورىنداردى، داۋىس سانى بويىنشا ەكىنشى جانە ءۇشىنشى ورىنداردى الادى.