وسكەمەن قالاسىندا تاۋەلسىز قازاقستاننىڭ تۇڭعىش قورعانىس ءمينيسترى ساعادات نۇرماعامبەتوۆ اتىنداعى ساياباق اشىلادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
شقو اكىمدىگىنىڭ مالىمەتىنە سۇيەنسەك، بيىل وسينوۆ اسۋىن اينالىپ وتەتىن جول قۇرىلىسىنىڭ 32 شاقىرىمى تولىقتاي اياقتالادى. بۇل التاي، كاتونقاراعاي اۋداندارىندا جانە بۇقتىرما سۋ قويماسىنىڭ جاعالاۋىندا ءتۋريزمدى دامىتۋعا زور مۇمكىندىك بەرمەك.
«وسكەمەندە حالىقارالىق ستاندارتتارعا ساي گەماتولوگيا ورتالىعىنىڭ قۇرىلىسى جانە شەبەرحانالار، ستۋديالار، زەرتحانالار مەن مۇراجايلار ورنالاساتىن «زەردە» عىلىمي-تانىمدىق ورتالىعىنىڭ جوباسىن ازىرلەۋ سياقتى ءبىرقاتار ءىرى الەۋمەتتىك جوبالار ىسكە اسىرىلۋدا. قۇرىلىسى ۇزاققا سوزىلعان مەتاللۋرگيا جانە اۆتوموبيل ونەركاسىبى ءۇشىن كادرلار دايارلاۋ رەسپۋبليكالىق ورتالىعىنىڭ ورنىندا بيولوگيا مەن ماتەماتيكادان دارىندى بالالارعا ارنالعان 150 ورىندىق ينتەرناتى بار 880 ورىندىق مەكتەپ-ينتەرنات اشىلادى»، - دەدى ايماق باسشىسى دانيال احمەتوۆ.
سونداي-اق قالادا 9 مامىردا ساعادات نۇرماعامبەتوۆ اتىنداعى ساياباق اشىلادى. اۋىل شارۋاشىلىعى ونىمدەرىن جانە باسقا دا تاۋارلاردى دەلدالسىز ساتۋعا مۇمكىندىك بەرەتىن «التاي» كوتەرمە-بولشەك ساۋدا ورتالىعى دا سالىنۋدا.