كىتاپ ايماقتىق كىتاپحانالارعا تاراتىلعان.
قىرعىزستان پرەزيدەنتى سادىر جاپاروۆتىڭ "جاڭى كىرگىزستاندى كۋرۋۋنۋن باگىتى" اتتى كىتابى جارىققا شىقتى، دەپ جازادى Almaty-akshamy.kz 24.kg پورتالىنا سلىتەمە جاساپ.
كورشى ەل باسشىسىنىڭ ەڭبەگى ءتورت بولىمنەن تۇرادى. ءبىرىنشىسى جاڭا قىرعىزستاندى قۇرۋ يدەياسىنىڭ پايدا بولۋىنا ارنالسا، ەكىنشى بولىمدە ەلدىڭ نەگىزگى يدەولوگيالىق باعىتتارى، ۇشىنشىسىندە ۇلتتىق داستۇرلەر، ەرەكشەلىكتەر مەن حالىق مادەنيەتى تۋرالى ايتىلعان. ال سوڭعى ءبولىم قورىتىندىدان تۇرادى.
كىتاپ 41 مىڭ دانا تيراجبەن باسىلىپ، وڭىرلىك كىتاپحانالار مەن ەلدىڭ ءتۇرلى مەكەمەلەرىنە تاراتىلدى.
بۇل قىرعىز باسشىسىنىڭ ءبىرىنشى كىتابى ەمەس. 2015 جىلى ونىڭ "ساياساتتاعى 10 جىل" اتتى ەڭبەگى جاريالانعان. كىتاپتا قىرعىزستانداعى نەگىزگى ساياسي جاعدايلار قامتىلعان. 2021 جىلى كىتاپ تۇرىك تىلىنە اۋدارىلدى.