قازاقستاندىقتار كىمدى كوبىرەك تىڭداعاندى ۇناتادى؟
ءتورت كۇننەن كەيىن قازاقستاننىڭ مادەنيەت، سپورت جانە ويىن-ساۋىق سالاسى بويىنشا جەتىنشى جانە ەڭ ءىرى سىيلىعى Ticketon Awards ءۇشىن داۋىس بەرۋ اياقتالادى.
قازاقستاننىڭ مادەنيەت، سپورت جانە ويىن-ساۋىق سالاسىنا ەڭ كوپ ۇلەس قوسىپ جۇرگەندەردى انىقتاۋ ارقىلى كەز كەلگەن قازاقستاندىق داۋىس بەرۋ ۇدەرىسىنە ۇلەس قوسا الادى. https://award.ticketon.kz/ سىلتەمەسى ارقىلى داۋىس بەرە الاسىزدار.
2024 جىلعى 6 ناۋرىزداعى ارالىق داۋىس بەرۋ ناتيجەسى بويىنشا Ticketon Awards نومينانتتارىنا قازاقستاندىق مادەنيەت، ونەر جانە سپورت سالاسىنداعى ەڭ جارقىن جانە دارىندى تۇلعانى تاڭداپ، 136 981-دەن استام ادام داۋىس بەردى.
كەشە عانا ۇمىتكەرلەر ءۇشىن 3 965 داۋىس بەرىلدى. داۋىس بەرۋ 8 اقپاننان 10 ناۋرىزعا دەيىن جالعاسادى. اتالىمداردىڭ جەڭىمپازدارى بيىلعى جىلدىڭ 20 ساۋىرىندە وتەتىن سالتاناتتى راسىمدە ماراپاتتالادى.
«جىلدىڭ سيمفونيالىق كونسەرتى» نوميناسياسىندا استاناداعى «رەترو كۆارتيرنيك س Tarsi orchestra». ول 6 جىل بويى «Ne prosto orchestra - «عاجايىپ عاسىر» اتتى فەنومەنالدى شىعارماشىلىعىمەن قۋانتىپ كەلە جاتقان قازاقستانداعى تۇڭعىش تاۋەلسىز وركەستردى باسىپ وزدى. ارالىق داۋىس بەرۋ قورىتىندىسى بويىنشا «جىلدىڭ سيمفونيالىق كونسەرتى» نوميناسياسىندا «رەترو كۆارتيرنيك س Tarsi orchestra» الدا كەلە جاتىر.
«استانا وپەرا» بالەتىنىڭ ءسوليسى شۇعىلا ادەپحان قازىرگى بەرىلگەن داۋىستاردىڭ جالپى سانى بويىنشا كوش باستاپ تۇر. ول سونداي-اق «جىل بالەريناسى» نوميناسياسىندا الدا كەلە جاتىر. بويجەتكەن «ورلەۋ» جانە «بي شىڭى» بايقاۋلارىنىڭ لاۋرەاتى.
«جىلدىڭ ۇزدىك وتاندىق ءفيلمى» نوميناسياسىندا ارالىق رەيتينگتىڭ كوشباسشىسى – «ءمىرجاقىپ. ويان، قازاق!» ءفيلمى. ارالىق داۋىس بەرۋ قورىتىندىسى بويىنشا «جىلدىڭ شەتەلدىك ءفيلمى» اتالىمىندا «وپپەنگەيمەر» دراماسى كوش باستاپ تۇر.
«جىل اكتەرى» نوميناسياسىندا «ءمىرجاقىپ. ويان، قازاق!» فيلمىندە باستى ءرولدى سومداعان باقىت قاجىبايەۆ الدا كەلە جاتىر. 41 جاستاعى اكتەردىڭ فيلموگرافياسى باي، «جاستار» تەاترىنىڭ تانىمال اكتەرى.
«جىل اكتريساسى» اتالىمى بويىنشا ارالىق رەيتينگتىڭ كوشباسشىسى داريعا بادىقوۆا. داريعا - جارقىن جانە ەستە قالارلىق كومەديالىق اكتريسا. ول «تاپتىم-اۋ سەنى» كومەدياسىندا باستى كەيىپكەردى سومداپ قانا قويماي، وسى ءفيلمنىڭ پروديۋسەرى دە. بۇعان دەيىن اكتريسا وسى نوميناسيا بويىنشا ەكى رەت (2019 جانە 2022) تيكەتون سىيلىعىن العان بولاتىن. داريعا بيىل دا جەڭىستەن ءۇمىتى زور.
اندەرى بارلىق جاستاعى تىڭدارمانداردى قۋانتقان تالانتتى ءانشى سادراددين «قازاقستاندىق جىل ءارتىسى» نوميناسياسىنىڭ جەڭىمپازى بولۋى ابدەن مۇمكىن. ول قازاقستاندىق «يرينا كايراتوۆنا» مۋزىكالىق توبىن باسىپ وزدى. «يرينا كايراتوۆنانىڭ» كليپتەرى باسقا وتاندىق بەينە-مۋزىكالىق ونىمدەردەن رەجيسسەرلىك شەشىمدەردىڭ باتىلدىعىمەن ەرەكشەلەنەدى. بۇل ءتاسىل «يرينا كايراتوۆنانىڭ» قازاقستانداعى زاماناۋي مادەنيەتتىڭ كورنەكتى جانە تانىمال وكىلى رەتىندەگى ۇستانىمىن نىعايتادى.
Ticketon Awards ماراپاتىنا 34 نوميناسيا جانە 7 كاتەگوريا بويىنشا 300-دەن استام ۇمىتكەر قاتىسادى. ءىس-شارا 2023 جىلعا ارنالعان ءارتۇرلى جانرلارداعى ۇزدىك شىعارماشىلىق جۇمىستاردى انىقتاۋعا، دارىندى تۇلعالاردى تانۋعا، ءارى ولاردى ىنتالاندىرۋعا، سونداي-اق مادەني ءداستۇرىمىزدى دامىتۋعا باعىتتالعان.