الداعى جىلى كۇزگە سالىم ەلوردادا دۇنيەجۇزىلىك كوشپەندىلەر ويىنى وتەدى.
ەلگە 100-دەن استام مەملەكەتتەن سپورتشىلار كەلەدى. بايراقتى باسەكەگە ءبىزدىڭ سايىپقىراندارىمىز دا الدەن دايىندىقتى باستاپ كەتتى. ولاردىڭ قاتارىندا ساداقشىلارىمىز دا بار، دەپ حابارلايدى اlmaty-akshamy.kz 24.kz-كە سىلتەمە جاساپ.
- ءداستۇرلى ساداق اتۋ قازاقتىڭ قانىنا سىڭگەن ونەر بولسا دا، وزدەرىڭىز كورىپ تۇرعانداي نىسانانى كوزدەپ، جەبەنى دىتتەگەن جەرىڭە تيگىزۋ ەكىنىڭ ءبىرىنىڭ قولىنان كەلە بەرمەيدى. ول ءۇشىن وتكىر كوز بەن قۋاتتى قول، سونداي-اق جۇيكەنىڭ مىقتىلىعى كەرەك.
قاسىمحان قانات ءداستۇرلى ساداق اتۋدان كوشپەندىلەر ويىندارىنىڭ ەل بويىنشا تۇڭعىش جۇلدەگەرى. بىلتىر 32 ەلدەن قاتىسقان 95 سپورتشىنىڭ اراسىندا وزىق شىعىپ، فينالدا ونەر كورسەتكەن. ءبىراق اقتىق سايىستا جولى بولماي 2 ۇپاي ايىرماشىلىعىمەن وعىز وكشادان جەڭىلىپ، كۇمىس مەدال ولجالادى.
قانات قاسىمحان، IV دۇنيەجۇزىلىك كوشپەندىلەر ويىندارىنىڭ كۇمىس جۇلدەگەرى: - جالپى ول جاقتا ءبىر عانا نىسانا بولدى. پۋتا نىساناسى. ال ءوزىمىزدىڭ ەلدە قازاقتىڭ ءتول نىسانالارى قالقان، جامبى نىسانالارى ارقىلى جارىساتىن بولامىز. ەندى دايىندىعىمىزدى كوبەيتىپ جاتىرمىز. بۇل جولى 1 عانا التىن ەمەس ، 2-3 التىن الۋعا نيەتتىمىز.
قۇراما باپكەرى دياس احمەتوۆتىڭ ايتۋىنشا قاسىمحاننان بولەك التىننان ءۇمىتتى ەربول تاپەنوۆ، ايىم تىلەپبەرگەن، فاريزا سابىرجان، ماقسات ابدىكەرىموۆ سياقتى مەرگەندەر بار.
دياس احمەتوۆ، ق ر ۇلتتىق قۇراماسىنىڭ باس باپكەرى: - بارلىق دايىندىقتارىمىزدى جەڭۋگە تىرىسامىز. جانە بىزگە كىشكەنە بولسىن كومەگى بار بۇل ءبىزدىڭ الاڭ. ياعني ءبىز ءوز ەرەجەمىزدى جاساپ جاتىرمىز. ءوزىمىزدىڭ ەرەجەمىزگە سايكەس وتكىزەتىن بولامىز. جانە ءبىزدىڭ الاڭ بۇگىننەن باستاپ بەلگىلى بولدى. سوندىقتان بىزدە ۇلكەن مۇمكىندىك بار ۇتۋعا. ياعني ءبىز بۇگىننەن باستاپ، قار ەريدى مامىر ايىندا سول جەرگە كۇنى-تۇنى قونساقتا دايىندالاتىن بولامىز.
رەسپۋبليكالىق ءداستۇرلى ساداق اتۋ فەدەراسياسى 2019 جىلدان بەرى جۇمىس ىستەپ كەلەدى. ءقازىر ءداستۇرلى ساداق اتۋ قارقىندى دامىپ كەلە جاتقان سپورت ءتۇرى.
باقداۋلەت ءسابيتوۆ، ۇلتتىق جانە ات سپورتى تۇرلەرى ورتالىعىنىڭ ديرەكتورى: - كوشپەندىلەر ويىنىنا كەلەتىن بولساق، كەلەسى جىلعا ءبىز قازاقستان چەمپيوناتىن وتكىزىپ قويدىق.سونىڭ ناتيجەسىندە ۇلتتىق قۇراما جاساقتالادى.ۇلتتىق قۇرامانىڭ ءتىزىمى 20 جەلتوقسانعا دەيىن بەكىتىلۋى ءتيىس. جالپى 11 سپورتشى قاتىستىرساق دەگەن جوسپار بار. جالپى مەن ءوزىم مەكەمە باسشىسى رەتىندە تالاپ قويىپ وتىرمىن. كەمىندە 2 التىن الۋ كەرەك دەگەن. ارى قاراي سپورتشىلار وزدەرى كورەدى. ءبىز 2 التىن الۋعا بارلىق جاعدايدى جاسايمىز. دايىندىعىنا، ساداعىنا، وعىنا، ەكيپيروۆكاسىنا. قاجەت بولعان جاعدايدا ءتۇرلى دارۋ-دارمەكتەرىنە بۇكىلىنە جاعداي جاسايمىز.
5-دۇنيەجۇزىلىك كوشپەندىلەر ويىنى 8-15 قىركۇيەك ارالىعىندا ەلوردامىزدا وتەدى. 100 دەن استام مەملەكەتتەن 4000-عا جۋىق سپورتشى كەلەدى دەپ جوسپارلانعان. ولار سپورتتىڭ 20 تۇرىنەن ب ا ق سىنايدى. سولاردىڭ ىشىندەگى ءداستۇرلى ساداق اتۋ وزگەلەردەن ءباسى بيىك، جۇلدەگى باستى ءۇمىتتى سپورتتىڭ ءتۇرى. التىننىڭ جولىندا سپورتشىلار دا، باپكەرلەر دە بارىن سالىپ جاتىر. وعان ءبىز دە كۋامىز، ءسىز دە كۋاسىز.