2 مىڭ توننا ءسابىز يمپورتتاۋ قاجەت.
بۇل تۋرالى ۇكىمەت وتىرىسىندا اۋىل شارۋاشىلىعى ءمينيسترى ەربول قاراشوكەيەۆ ايتتى، دەپ حابارلايدى Almaty-akshamy.kz. قازاقپاراتقا سىلتەمە جاساپ.
«ءسابىز كەلىسىمشارتتارىنا كەلەتىن بولساق، كارتوپ سياقتى جاعداي قالىپتاسۋدا. ياعني جوعارىدا اتالعان ءۇش وبلىستىڭ اكىمدىكتەرى قاجەتتىلىك كولەمىن ازايتتى. جالپى، وڭىرلەر كەلىسىمشارتتارىنىڭ كولەمى 28،8 مىڭ توننانى قۇرايدى. كەلىسىمشارتتاردىڭ كولەمى 100 پايىزدان اساتىن جاسىل ايماقتا 11 ءوڭىر تۇر»، - دەدى ەربول قاراشوكەيەۆ.
ونىڭ دەرەگىنشە، كەلىسىمشارتتار كولەمى 50-دەن 100 پايىزعا دەيىنگى سارى ايماقتا 8 ءوڭىر ورنالاسقان.
«پاۆلودار وبلىسى قىزىل ايماقتا. وندا كەلىسىمشارتتاردىڭ كولەمى 50 پايىزدان تومەن. بۇل رەتتە، جوعارىدا اتاپ وتكەندەي، وبلىستا جەرگىلىكتى وندىرۋشىلەرمەن 5 مىڭ تونناعا مەموراندۋمدار بار. يمپورتقا قاجەتتىلىك 2 مىڭ توننانى، ەرتە پىسەتىن كوكونىستەرگە قاجەتتىلىك 3،8 مىڭ توننانى قۇرايدى»، - دەدى مينيستر.