پرەزيدەنت جامبىل وبلىسى بايزاق اۋدانىنداعى ادام ولىمىنە اكەپ سوقتىرعان قايعىلى وقيعاعا بايلانىستى 29 تامىزدى جالپىۇلتتىق ازا تۇتۋ كۇنى دەپ جاريالادى. جالپىۇلتتىق ازا تۇتۋ ورىندى، ارينە! بۇل ورايدا پرەزيدەنتىمىزدىڭ بۇل شەشىمى پاراساتتى ءىس بولدى دەپ ەسەپتەيمىن.
توتەنشە جاعدايعا بايلانىستى شۇعىل وتكىزىلگەن باسقوسۋدا قازا بولعان اسكەري قىزمەتشىلەر مەن قۇتقارۋشىلاردىڭ ەرەن ەرلىكتەرى، جانقيارلىق ارەكەتتەرى ءسوز بولدى. «ەرلەرىمىزدىڭ ەسىمى ەل جادىندا ماڭگى ساقتالادى» دەپ مەملەكەت باسشىسى اتاپ ايتتى.
كوپتى كورگەن كونەكوز جانە قازاق ەلىنىڭ جاناشىرى، باتاگوي اقساقالى رەتىندە مەنىڭ پىكىرىم – الداعى ۋاقىتتا مۇنداي وقيعاعا جول بەرىلمەۋدىڭ ناقتى شارالارى جاسالۋى كەرەك. اۋىر ءارى اششى بولسا دا ايتايىن، ارىس جارىلىسىنان ساباق الماعان سياقتىمىز.
جۇزدەگەن بەيبىت حالىقتى، اسكەريلەردى قازاعا ۇشىراتقان، قايعىعا دۋشار ەتكەن سول ارىستاعى وقيعا بىزگە ساباق بولۋ كەرەك-اق ەدى…