الماتىلىقتارعا «ازاماتتارعا ارنالعان ۇكىمەتتىڭ» العاشقى كۋالىكتەرى تابىس ەتىلدى
احاج ورگانداردىڭ فۋنكسيالارى اعىمداعى جىلعى 1 شىلدەدەن باستاپ «ازاماتتارعا ارنالعان ۇكىمەت» مەملەكەتتىك كورپوراسياسى» كوممەرسيالىق ەمەس اكسيونەرلىك قوعامىنا بەرىلدى. وسىعان بايلانىستى، «ازاماتتارعا ارنالعان ۇكىمەت» مەملەكەتتىك كورپوراسياسىنىڭ الماتى فيليالىندا احاج جەلىسى بويىنشا العاشقى مەملەكەتتىك قىزمەت الۋشىلاردى قۇتتىقتادى، دەپ حابارلايدى almaty-akshamy.kz
مەملەكەتتىك كورپوراسيا فيليالىنىڭ باسشىلىعىنىڭ قاتىسۋىمەن الماتى قالاسىنىڭ اۋداندىق احاج بولىمدەرىندە استانا كۇنىنە، سونداي-اق احاج فۋنكسيالارىن «ازاماتتارعا ارنالعان ۇكىمەت» مەملەكەتتىك كورپوراسياسىنا وتۋىنە ورايلاستىرىلعان شارا ءوتتى.
فيليال ديرەكتورىنىڭ ورىنباسارى فاريدا بوكيجانوۆا «نەكە جانە بالانىڭ تۋۋ تۋرالى» كۋالىكتەرىن تۇڭعىش الۋشىلاردى قۇتتىقتاپ، ولارعا مەملەكەتتىك كورپوراسيانىڭ باسقارما ءتوراعاسى سۇيەنىش ءابدىلديننىڭ اتىنان قۇتتىقتاۋ حات پەن ەستەلىك سىيلىقتار تابىس ەتتى.
«بۇگىن المالى جانە مەدەۋ اۋدانىنىڭ احاج بولىمدەرىندە جاس جۇبايلار مەن ءسابيلى بولعان اتا-انالاردى قۇتتىقتادىق. ولار مەملەكەتتىك كورپوراسيانىڭ ەلتاڭبالى ءمورى قويىلعان «نەكە كۋالىكتەرى مەن بالانىڭ تۋۋى تۋرالى» كۋالىكتىڭ تۇڭعىش يەگەرلەرى اتاندى. سونداي-اق، جاس جۇبايلارعا گۇل شوقتارى مەن جاڭا تۋعان نارەستەلەر ءۇشىن جۇمساق ويىنشىقتار تابىستالدى. وسىلايشا، بۇگىن ونداعان قالا تۇرعىندارىنىڭ وتباسىلىق تاريحى تاعى ءبىر قىزىقتى وقيعامەن تولىقتىرىلدى. ولار بۇل تۋرالى بالالارىنا، نەمەرەلەرىنە، شوبەرەلەرىنە ايتاتىن بولادى»، - دەدى «ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى فيليالى ديرەكتورىنىڭ ورىنباسارى فاريدا بوكيجانوۆا.
احاج فۋنكسيالارىنىڭ اۋىسۋىمەن قىزمەتتەردى الۋ ءتارتىبى وزگەرمەگەنىن اتاپ وتكەنىمىز ءجون. نەكەگە تۇرۋعا وتىنىشتەر بۇرىنعىسىنشا ەلەكتروندىق ۇكىمەتتىڭ e-gov. kz. ۆەب-پورتالى ارقىلى ەلەكتروندى تۇردە بەرىلەدى. قالاۋىڭىز بويىنشا نەكە قيۋدى سالتاناتتى جاعدايدا وتكىزۋگە بولادى.
ەستەرىڭىزگە سالا كەتەيىك، احاج قىزمەتتەرىن تەك تىركەۋشى ورگاننىڭ قىزمەتكەرلەرى عانا كورسەتەتىن بولادى. قولدانىستاعى مەملەكەتتىك قىزمەتتەر ستاندارتتارى، قىزمەت كورسەتۋ ءتارتىبى مەن مەرزىمدەرى دە ادەتتەگىدەي.
احاج-دىڭ بارلىق الەۋمەتتىك ماڭىزدى قىزمەتتەرى - تۋۋدى، ءولىمدى مەملەكەتتىك تىركەۋ تەگىن. اقىلى قىزمەتتەر قوسىلعان قۇن سالىعىن ەسكەرە وتىرىپ ەسەپتەلەدى.
وتكەن جىلى ازاماتتىق حال اكتىلەرىن تىركەۋ ورگاندارى (احات) 100 جىلدىق مەرەيتويىن اتاپ ءوتتى. ادامنىڭ تۋعانىنان باستاپ، ءومىرىنىڭ سوڭىنا دەيىنگى ايتۋلى ساتتەرىنىڭ كۋاسى بولاتىن احاج بولىمدەرىنىڭ جۇمىسى، قانداي فورمادا بولسا دا ءالى دە عاسىرلار بويى جاساي بەرەرى ءسوزسىز.