بۇل – ەل تاريحىندا تەننيسشىنىڭ سۋرەتى باسىلعان ءبىرىنشى پوشتا ماركاسى.
ۋيمبلدوننىڭ بىلتىرعى چەمپيونى ەلەنا رىباكينانىڭ سۋرەتى بەينەلەنگەن «قازپوشتا» ماركاسى شىعارىلدى، دەپ حابارلايدى Almaty-akshamy.kz.
بۇل تۋرالى قازاقستان تەننيس فەدەراسياسى ءمالىم ەتتى. ەلەنا رىباكينا قازاقستاندا تەننيستىڭ كەڭىنەن تارالۋى ءۇشىن كوپ ەڭبەك ءسىڭىردى. سونداي-اق بۇكىل الەمدە قازاق ەلىنىڭ ابىرويىن ارتتىرۋعا ءوز ۇلەسىن قوستى.
پوشتا ماركاسى «سپورت» سەرياسىندا «قازاقستان چەمپيوندارى. ەلەنا رىباكينا» تاقىرىبىندا رامالىق پەرفوراسياسى بار ءتورت بوياۋمەن وفسەتتىك مورمەن جاسالعان.