رىسقۇلوۆ داڭعىلىنىڭ ۋچاسكەلەرىنە ورتاشا جوندەۋ جۇرگىزۋگە بايلانىستى كولىك قوزعالىسىنا ۋاقىتشا شەكتەۋ ەنگىزىلەدى، دەپ حابارلايدى aqshamnews.kz
17 تامىز ساعات 23:00-دەن 19 تامىز ساعات 11:00-گە دەيىن تاباچنوزاۆودسكايا كوشەسىنەن باتىس باعىتتا رىسقۇلوۆ-جانسۇگىروۆ جولايىرىعىنداعى بۇرىلىسقا دەيىن قوزعالىس جابىلادى.
18 تامىز ساعات 23:00-دەن 20 تامىز ساعات 11:00-گە دەيىن رىسقۇلوۆ-جانسۇگىروۆ جولايىرىعىنىڭ باسىنان تاباچنوزاۆودسكايا كوشەسىنە دەيىنگى شىعىس باعىتتاعى ۋچاسكەدە قوزعالىس جابىلادى.
رىسقۇلوۆ-سەيفۋللين جانە رىسقۇلوۆ-جانسۇگىروۆ جولايىرىقتارىنداعى جولدار ارقىلى ەكى باعىتتى دا اينالىپ وتۋگە بولادى.
جوندەلىپ جاتقان ۋچاسكەدە ەسكەرتۋ بەلگىلەرى، مەردىگەر ۇيىمىنىڭ باسشىسىنىڭ بايلانىس اقپاراتتارى كورسەتىلگەن ستەندتەر قويىلادى.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram ارناسىندا، اۋداندىق اكىمدىكتەر مەن باسقارمالاردىڭ الەۋمەتتىك جەلىلەرىندە، سونداي-اق 2GIS جانە «ياندەكس كارتالارى» سەرۆيستەرىندە جازىلعان.
