جەرگىلىكتى جىلۋ جەلىلەرىن جاڭعىرتۋعا بايلانىستى وتكەن اپتادا تۇندە ەنگىزىلگەن الماتىنىڭ جەتىسۋ اۋدانىنىڭ پاۆلودار كوشەسىنىڭ بويىمەن №136 ۇيدەن باستاپ ماقاتايەۆ كوشەسىنە دەيىن ەكى باعىتتا قوزعالىستى شەكتەۋ مەرزىمى 26 تامىز (دۇيسەنبىدەگى) ساع.00:00-گە دەيىن ۇزارتىلدى. جاڭعىرتۋ جۇمىستارى كەزەڭىندە اتالعان تۇتىنۋشىلار ىستىق سۋمەن بۇرىنعىسىنشا ۇزدىكسىز قامتاماسىز ەتە بەرىلەتىن بولادى.
كورسەتىلگەن نىساندا قۇرىلىس-مونتاج جۇمىستارىن جۇرگىزەتىن مەردىگەر ۇيىمعا جىلۋ ماگيسترالىن جاڭعىرتۋ جوباسىن ىسكە اسىرۋدىڭ بارلىق تەحنولوگيالىق ەرەكشەلىكتەرىن ساقتاۋ ءۇشىن قوسىمشا ۋاقىت قاجەت.
بۇدان بۇرىن اتالعان اۋماقتا كولىك قوزعالىسى 19 تامىز كۇنگى 12:00-گە دەيىن جابىلادى دەپ حابارلانعان بولاتىن.
ۋاقىتشا شەكتەۋلەر وسىدان 43 جىل بۇرىن (1981 جىلى) پايدالانۋعا بەرىلگە، ۇزىندىعى 2 مىڭ 135 مەتر بولاتىن، اتالعان قالا اۋماعىنىڭ اۆتوكولىك جولى بولىگىنىڭ استىنان وتەتىن قۇبىردى جاڭعىرتۋ ۋچاسكەسىندە جوسپارلى جۇمىستاردى جۇرگىزۋ قاۋىپسىزدىگىن قامتاماسىز ەتۋ ءۇشىن قاجەت.
ۋاقىتشا قولايسىزدىقتارعا تۇسىنىستىكپەن قاراۋلارىڭىزدى سۇرايمىز.
ەستەرىڭىزگە سالا كەتەيىك، قوزعالىستى شەكتەۋگە قاتىستى بارلىق اقپارات Almaty.kz سايتىندا، @AlmatyJoly Telegram-ارناسىندا، اۋدان اكىمدىكتەرى مەن باسقارمالارىنىڭ الەۋمەتتىك جەلىلەرىندە، سونداي-اق «2GIS» جانە «ياندەكس كارتالارى» سەرۆيستەرىندە ورنالاستىرىلعان.
«الماتى جىلۋ جۇيەسى» ج ش س